陳家樂嘅媽媽好醒呀！
於無綫熱播劇《逆緣》內飾演沉睡了73年「鍾定國」的藝人陳家樂，自劇集播出後就聲名大噪，令他笑言出街唔可以好似之前咁Hea只係着短褲拖鞋。他亦於電台節目內表示有途人認得出自己好開心，當主持人問到劇集獲29點收視的感受？陳家樂謙虛話對數字唔係特別清楚：「都係事後再問番身邊嘅朋友先知29點係近期好好嘅收視，其實都係因為有黎耀祥，佢係收視嘅保證。」問到之前一直都係拍開電影，為何會轉戰「公仔箱」？他表示只要是好角色，無論是在甚麼平台都會接拍，又指今次特意看了不少40至60年代的粵語長片，來模仿舊時的人講說話語氣、節奏。
問到面對強勁對手、前輩拍攝時會否感到壓力？陳家樂指拍之前都冇：「有同過姜大衛合作，感覺都可以，係第一次同祥哥（黎耀祥）埋位拍嗰時就好緊張，因為佢係我嘅偶像，我媽媽都好鍾意佢，細個成日都會一齊睇佢做嘅劇。」他又大爆媽媽更特意煲靚湯到片場探班，目的就是要見黎耀祥一面：「佢之前都未試過咁。」提到劇中有一幕是要摑佢哋一巴，陳家樂表示當時摑唔落手：「隻手硬到拍唔到，最後係副導走埋嚟叫我用佢塊面嚟練習，覺得好唔好意思，要佢受罪。」
來源 source: http://hk.on.cc
|
鍾意就快D Share啦！
|
|
|
