掃呢頁CODE去手機

2018年4月1日 星期日

林敏驄勁大膽!汪明荃被貼ViuTV貼紙 __,林敏驄,ViuTV,Viu,汪明荃,

汪明荃專程嚟探羅家英班。藝人羅家英、李子雄到邵氏錄影廠錄影由梁漢文、林敏驄(阿驄)主持的ViuTV遊戲節目《GoodNightShow全民星戰》,期間 ...


汪明荃專程嚟探羅家英班。


藝人羅家英、李子雄到邵氏錄影廠錄影由梁漢文、林敏驄(阿驄)主持的ViuTV遊戲節目《Good Night Show全民星戰》,期間家英太太汪明荃(阿姐)以老婆身份現身探班,並大方合照,惟合照時阿驄竟大膽將ViuTV貼紙放在無綫鎮台之寶阿姐頭上!而阿姐表現親切,但就指不方便受訪。事後家英表示不怕阿姐被阿驄影響:「佢咁低B,睬佢都傻!佢咩人都玩㗎(點解阿姐會嚟?)佢細佬喺外國返嚟,喺附近飲茶,順便嚟探我。」

去俄羅斯睇世界盃

問到世界盃支持哪一隊,家英表示睇好比利時,李子雄則是巴西忠實球迷,他們又表示會到俄羅斯欣賞決賽現場賽事,家英更會帶同阿姐同行,問阿姐會否睇波?家英笑說:「佢鍾意睇我呀!佢唔係好識啲規例,第一次睇我踢波嗰陣,我追唔到個波,個波出咗界,我用手掉界外球,佢問做咩我用手唔係用腳,佢又唔識越位嗰啲。(阿姐平時做咩運動?)以前有打羽毛球,最近就跳舞、做Gym。」

唔怕阿姐尷尬

阿姐大約逗留一小時,事後家英被問到會否怕阿姐身份尷尬?他說:「今日出咗少少意外,有『某公司高層』嚟探班,其實就係羅汪明荃,佢今日係以羅太身份、明星足球員隊名譽會員身份嚟探班,而且冇接受訪問,只係影張相啫!咁我好少做電視節目,佢帶埋細佬嚟幫我打氣,大家一家人嘛!(驚唔驚TVB唔鍾意?)唔講或者唔小器呢!其實演藝界應該和和氣氣、百花齊放、冇問題嘅!」

----------------------------

東網巨星開咗ig喇,大家快啲follow

https://goo.gl/KGuo2N  


來源 source: http://hk.on.cc
鍾意就快D Share啦!