掃呢頁CODE去手機

2018年5月4日 星期五

【日日有工開】39歲「些粉」趙永洪入無綫19年半都爆騷 咁都走? __,無綫,趙永洪,

「我入咗行就快20年,喺72行裡面,我都飾演過好多行業,好似的士佬、仵作佬、衙差、警察、蠱惑仔、黑社會大佬、外星人到賤男等都做過。以前啲朋友我做Mar ...


「我入咗行就快20年,喺72行裡面,我都飾演過好多行業,好似的士佬、仵作佬、衙差、警察、蠱惑仔、黑社會大佬、外星人到賤男等都做過。以前啲朋友我做Marco,最近就因為一架的士,啲朋友又改口叫我做Seven。不過喺一個地方差不多20年,我覺得係時候要落車睇吓外面嘅世界。」

「我叫趙永洪,但係其實叫我做乜都無所謂,希望大家下次見到我,唔會剩係記得我叫Seven或者Marco,仲會記得我之後更多更多嘅角色。」

一段簡單嘅獨白,係趙永洪離開無綫後嘅心聲。

喺99年無綫藝員訓練班出身、粗略估計由入行到o依家拍咗超過100套劇集嘅趙永洪,本來一直做開大配角,直到處境劇《同事三分親》、《天天天晴》、《畢打自己人》之後,總算令事業上試到啲甜頭。喺09年嘅《萬千星輝頒獎典禮》被提名飛躍男藝員,角色上亦都開始多咗發揮機會。

直到近期《降魔的》嘅的士司機「些粉」,更令觀眾加深咗對趙永洪嘅認識。

不過,趙永洪喺呢個時候決定嚟一個轉變,就係離開呢個工作咗接近20年嘅地方,向外發展。

趙永洪接受《蘋果》訪問,回想呢20年嘅生活,佢話:「其實呢20年對我嚟講,係一個好好嘅訓練同經歷,我本身係一個好鍾意演戲嘅人,有機會可以俾我演戲,我已經覺得好開心,我自己做過好多唔同嘅角色,睇咗好多師兄師姐、前輩嘅戲,喺同佢哋嘅傾偈過程,有好大得著!」

「如果你問我,我反而覺得生活好多姿多采,因為每一日都會面對唔同嘅人同事,拍好多唔同嘅角色。每個演員條路又唔一樣,好多嘢都積少成多。有啲人一出嚟就做主角,但係我好清楚有好多嘢係要我自己慢慢儲番嚟,慢慢去搵機會。」

講到機會,趙永洪就說:「我自己覺得都算多,日日都有工開,真係冇乜點停過,19年半都爆騷!你當我阿Q精神,一直以嚟諗法都好正面,唔會覺得有啲乜嘢遺撼,反而覺得自己累積咗好多演出經驗,呢一樣嘢係好實在,我嘅心態都好正面,就算做邊一行都係一樣,如果你唔鍾意呢份工,要你坐喺寫字樓,坐足一日都搞唔掂,實在冇辦法可以繼續支持,演員係我一個好鍾意嘅行業,所以我有信心。」

因為有呢個信念,所以佢一直都冇過放棄:「堅持係好重要概,好多人話做戲嘅人係傻嘅,睇戲嗰啲係癡嘅,人生如戲,戲如人生,既然選擇得呢個行業,都要對自己負番個責任,我都唔知自己一試就試咗20年,我暫時嘅心態都Keep到!」

精選娛聞,喺晒《娛果》

http://fb.com/appledailyent

採訪:何慧斯 攝影:沈健程、林賓尼 趙永洪話喺無綫工作,係一個好好訓練嘅地方。





趙永洪話希望大家除咗記得佢叫「些粉」之外,仲會記得其他角色。











拍完《同囚》之後,趙永洪開始思考去留問題。(資料圖片)

趙永洪、林峯同楊怡係同一屆訓練班畢業。(資料圖片)

鍾意就快D Share啦!