掃呢頁CODE去手機

2018年5月4日 星期五

【突然消失】魏焌皓被大台炒魷 與麥明詩拍《使徒2》傳犯不當行為 __,魏焌皓,麥明詩,TVB,大台,《使徒行者2》,《使徒2》,使徒行者2,

魏焌皓有樣有身型,更一度被譬為「羅仲謙2號」,之前同麥明詩拍《使徒行者2》仲人氣急升。不過,魏焌皓都未企穩陣腳,就突然喺大台消失,原來係因為佢被TVB ...




魏焌皓有樣有身型,更一度被譬為「羅仲謙2號」,之前同麥明詩拍《使徒行者 2》仲人氣急升。不過,魏焌皓都未企穩陣腳,就突然喺大台消失,原來係因為佢被TVB解約,原因更同麥明詩有關。

上個月魏焌皓去拍電影嗰時,被人問到點解離開TVB嗰陣,佢就口窒窒話想有新嘗試,查實是有不可告人的原因。如果有睇《使徒行者 2》,麥明詩同魏焌皓喺戲入面演一對,而且佢哋感情線非常淒美,魏焌皓更喺戲入面有爆Seed嘅表現。

原本魏焌皓有份再同麥明詩一齊拍《是咁的 法官閣下》,按常規佢哋如果再繼前緣嘅話,唔多唔少都可以引起話題。 不過,睇返試造型當日嘅活動以及煞科宴,魏焌皓都係唔見咗人。因為有傳佢拍《使徒行者 2》同麥明詩做對手戲,犯咗啲不當行為,更被監製照肺。後來更抽走佢喺《是咁的法官閣下》嘅角色,兼掉入雪櫃,雪足半年,最後大台更主動同佢解約。

所以,魏焌皓自從上年11月開始,就唔再見佢PO工作嘅相,多數都係生活照居多,加上冇咩做,又有駕駛學院贊助,於是魏焌皓索性去上堂考車牌。

究竟犯左咩不當行為?《壹》仔打電話問到魏焌皓同TVB解約一事,佢好快話遲啲覆仲收埋線,就再沒有回覆。
在《使徒行使2》入面,這一pair的感情線最好看

魏焌皓原本有份拍攝,但最後被抽走

鍾意就快D Share啦!