2018年《音樂先鋒榜頒獎禮》噚晚（19日）於廣州天河體育館舉行，李克勤、容祖兒分別掃走五個獎項，成為歌手入面嘅大贏家。噚晚嘅頒獎禮中，克勤先後奪得全國最受歡迎先鋒男歌手、最具影響力演唱會《容祖兒李克勤演唱會》、最佳專輯（30克）、23家電台傳媒聯頒靚聲歌王大獎及憑歌曲《失魂記》奪得先鋒金曲獎項，連掃五獎，克勤話：「首先要多謝《先鋒榜》，仲有每一位支持我、愛鍚我嘅歌迷，我會繼續努力。另外而家籌備緊全新嘅國語專輯，今次會同國內好多知名嘅音樂人展開深度合作，希望嚟緊更多機會到內地同歌迷見面。」
同樣掃走五個獎項嘅容祖兒，分別奪得全國最受歡迎先鋒女歌手、亞洲最具影響力歌手、最具影響力演唱會《容祖兒李克勤演唱會》、先鋒金曲 《重生》及最佳原創歌曲《重生》獎項，祖兒表示好開心《重生》呢首歌得到大家嘅肯定，「雖然舊年嘅作品比較少，但嚟緊無論國語或者廣東歌都好快會同大家見面，希望能夠繼續得到大家嘅支持。」
來源 source: http://nextplus.nextmedia.com
|
鍾意就快D Share啦！
|
|
|