JJ賈曉晨上年11月為老公樊少皇生咗個可愛囡囡小飯兜，眨吓眼就半歲大，日前佢哋至喺微博公開一家三口全家福，昨日JJ再喺微博貼囡囡相，留言：「親愛的寶貝，我們的小飯兜，從你出生、一周、滿月、百天、到現在半歲，媽咪時時刻刻陪着你，就怕錯過你成長的每一秒鐘，今天你半歲生日了，媽媽要跟大家一起分享這份快樂！希望寶貝身體棒棒的，每天快快樂樂，長大也是個樂觀快樂又聰明的好孩子。」
事隔半日，JJ又再喺微博寫咗段千字文，話唔想再俾人惡意攻擊，兼要保護個女，決定唔再公開囡囡嘅相，兼自爆老公廿年嚟有嚴重抑鬱，想自殺過好多次。
JJ首先寫道：「其實本來公開寶寶的照片我是猶豫了很久，因為我怕，真的怕，我太能了解這個世界上有那麼一些心理黑暗的人的惡意了，他們不能看到你是幸福的快樂的美好的，他們一定要從蛛絲馬跡中編造一些東西來攻擊你……」
JJ承認老公後生時同大過佢好多嘅女友發生過啲唔好嘅事、好唔成熟，而且處理得唔好，但樊少皇用咗二十年青春、感情同所有嘢去賠償，仲因為咁，同樊爸爸斷絕咗十年父子關係：「二十年來他嚴重抑鬱，想要自殺無數次，況且具體是怎樣的事情你們並不知道！也並沒有你們想像的那樣！更不是八卦新聞寫的那麼戲劇化！誰對誰錯不是你們、還有我一句兩句可以判斷的，哪怕你就是純潔的個聖人...」
最後，JJ又提到老公從小就習武，冇機會過正常小朋友應過嘅童年，而小飯兜啱啱嚟到呢個世界冇耐，自己好想光明正大同粉絲分享一家嘅幸福生活：「而現在我知道不行，因為你們不會放過傷害別人的任何一絲機會！所以以後我決定不會在公開場合放寶寶的照片了…除非她長大了她自願公開。」
24小時求助熱線︰
香港撒瑪利亞防止自殺會熱線︰23892222
撒瑪利亞會熱線(多種語言)︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線(24小時精神健康熱線諮詢服務)：24667350
明愛向晴熱線：18288
|
鍾意就快D Share啦！
|
|
|