現年31歲、陳茵媺06年同屆落選港姐李美慧，下月嫁給年紀相差25年、拍拖僅半年的曾文豪，56歲的曾文豪為已故百億富豪曾紀華二房長子。
不丹豪使百萬
一對準新人早前已到不丹及喜馬拉雅山八日，預支蜜月兼影結婚相，李美慧回覆本報時大讚準夫婿是「成熟暖男」好細心，提到將成為闊太，會否專心做少奶奶息影？她坦言曾文豪不想她繼續做幕前工作，而其合約即將屆滿，不排除轉型做KOL。問到下月在淺水灣搞婚禮及註冊一事，何超瓊及李民橋都受邀出席，李美慧說：「邀請來賓主要係至親，人數唔係好多。」之後二人便飛法國南部慶祝。
提到在不丹影婚照，動用直升機拍攝豪使百萬，李美慧表示：「不丹係一個世外桃源，一個山谷去另一個山要成五、六個鐘車，我哋想慳時間，同埋坐車會辛苦啲。」未婚夫安排妥當，問到給對方幾分？她說：「嫁得畀佢，梗係100分。」
鼓勵再生小孩
李美慧更透露與三位繼女相處好，問到會否生B？她說：「順其自然，BB係天賜嘅，唔會抗拒。」李美慧在無綫發展一般，近期在劇集《宮心計2深宮計》飾演宮女，昨日她亦有出席新劇宣傳活動。
另外，李美慧比曾文豪大女曾昭怡細一年，而與二女曾昭亮同年，兩繼女都表示戥父親再婚開心，曾昭怡就讚繼母好好，祝二人白頭到老。曾昭亮昨晚出席中環活動時，坦言對父親再婚感到突然，不過大讚李美慧：「佢好好人，見到佢哋一齊好開心，大家鍾意對方，有feel就得。」再問會否鼓勵父親再生小朋友？她說：「會，自己都有自己family，希望老竇開心，佢都好young。」
採訪：陳杰、羅慧敏
攝影：陳慧安
|
鍾意就快D Share啦！
|
|
|
