參演過無數電視劇嘅李鴻杰，當中以97年套《天龍八部》做四大惡人之首，令人印象深刻! 不過李鴻杰最初入TVB唔係做演員，而係加入舞蹈組，佢唔止做過Dancer，更憑住一身好舞功，幫過唔少歌手排舞，以往東華籌款《卡拉之星》環節入面，都會見佢show下quali。
李鴻杰太太亦都係舞蹈員，由讀書嘅時期已經認識，由結婚到依家已經41年，直至依家兩個人依然都好恩愛。一齊咁多個年頭，佢哋唔止Keep住拖手仔行街。就連買麵包、買日用品都好，都係有商有量，李鴻杰仲一手拎晒要買嘅嘢，自動波去俾錢。
雖然依家李鴻杰已經冇再喺大台做，但佢喺國內依然有人搵佢拍劇，所以難得係香港，當然要同老婆去歎下香港特式嘅茶記啦!
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
