網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年5月4日 星期五

【拍《使徒行者》出事?】盛傳曾強吻麥明詩遭投訴 魏焌皓:絕對冇 __,魏焌皓,麥明詩,

被封「羅仲謙2號」嘅魏焌皓喺大台十年,最近忽然被炒,有傳佢對麥明詩犯咗不當行為。《蘋果》收到消息,曾經傳喺兩年內速食15個o靚模、花旦嘅魏焌皓,拍《使 ...


被封「羅仲謙2號」嘅魏焌皓喺大台十年,最近忽然被炒,有傳佢對麥明詩犯咗不當行為。

《蘋果》收到消息,曾經傳喺兩年內速食15個o靚模、花旦嘅魏焌皓,拍《使徒行者2》時曾經追求過麥明詩,戲中佢哋飾演一對戀人,戲外魏焌皓都經常借故約麥明詩食飯。而公司內部亦有一個「強吻事件」嘅傳聞。

據劇組人員爆料,指麥明詩當時都好抗拒魏焌皓,每次都會搵埋黃翠如同袁偉豪做擋箭牌。消息指有次返深圳開工,場口只有魏焌皓同麥明詩,收工後兩人有獨處機會,發生強吻事件。據聞事後麥明詩向高層投訴,而魏焌皓亦被照肺,最後不獲無綫續約。

魏焌皓今接受《蘋果》訪問時,承認「強吻傳聞」公司內部傳得好盛,但佢否認有做過。

記﹕記者

魏﹕魏焌皓

記﹕有冇追求過麥明詩?

魏﹕絕對冇。

記﹕喺大陸發生唔開心事件?

魏﹕我印象中冇。

記﹕傳聞你強吻麥明詩?

魏﹕絕對冇強吻。

記﹕雙方有誤解?

魏﹕呢樣我唔清楚喇,我唔知有冇誤解,因為我唔係佢。我就絕對冇係人哋唔情願情況下,做一啲越軌行為。

記﹕曾經畀高層照肺?

魏﹕有同佢哋傾過偈,佢哋有關心我,但唔係照肺。

記﹕你覺得你被炒,同麥明詩有冇關係?

魏﹕我就真係覺得唔係畀人炒,只係冇續最後一年約……我自己覺得,自己有諗過,可能有機會係有關。但大家都係演員,呢啲係高層決定,我唔知係咪真係同某啲人有關係,但我當然希望唔係因為呢件事,呢個人,最後有一個咁嘅結果,我覺得如果係高層決定就合理啲。

記﹕有冇同麥明詩傾過?

魏﹕其實《使徒》都拍咗一段好長時間,我都聽到呢啲不實說話。

記﹕指追求同強吻?

魏﹕都有聽過,我真係有私下同佢講,「唔知我哋之間係咪有啲咩誤會啦,我希望我哋可以互相尊重,唔想大家都成為一個造謠者」,我係有要求過,但佢係冇回應我。

至於麥明詩回覆傳媒稱:「轉頭回覆。」


鍾意就快D Share啦!