現年47歲的藝人顏仟汶去年與80年代無綫小生詹秉熙上契為兄妹，當日詹秉熙的太太Sandy還為二人炮製美食，但昨日卻有讀者爆料指兩人由「兄妹」發展成婚外情，更有傳正印上門「捉姦」 ，顏仟汶回應時說：「喺張床度定喺條街度？」強調與詹秉熙是好朋友關係，男方則承認與太太婚姻出現問題。
57歲的詹秉熙近日被爆與結婚30 年的太太Sandy分居，有指他搭上失婚的女星顏仟汶，昨日有讀者爆料指女方於去年12月至今年1月期間，經常借意上男方屋企，令詹秉熙與Sandy經常爭執，最終決定分居，而詹秉熙和顏仟汶更被指發展至同居關係，據知Sandy因婚變暴瘦，更試過在朋友陪同下到顏仟汶位於錦田的屋企「捉姦」。
對話截圖曝光
該讀者表示不值顏仟汶所為，還提供二人多張蜜照，以及社交網對話截圖，從截圖可見，詹秉熙承認跟太太換了身份，又稱兩人已過了半百歲，明白感情是甚麼一回事，兩人經過商討，有了共識才決定變換身份，希望大家能夠給予空間。另一張截圖則是顏仟汶被指摘破壞別人家庭幸福，她扯火回應：「有乜嘢想知，唔該直接問當事人啦。」
對於被指介入詹秉熙的婚姻，昨日顏仟汶接受本報電話訪問，強調與他只是好朋友：「都係好好嘅朋友。（唔係第三者？）唔係囉！其他唔想講咁多，呢啲係佢同太太嘅事。（佢哋係咪分居？）呢啲咁敏感嘅問題，要當事人答。」被指是「小三」的她說：「其實講真吖，喺呢行咁耐，好多嘢都聽過晒，由得佢講好嘅要接受， 唔好又要接受，唔想回應啲乜大家都咁大個人，至於佢哋嘅問題，等佢哋處理番。」不過，追問她與詹秉熙的關係會否再有發展時，她有所保留：「未發生嘅嘢唔會答，呢啲冇人知，大家都做咗半世人，下一秒可能我化為灰燼都未定。」
不會規勸和好
當提到日前她被「捉姦」，顏仟汶反應頗大的說： 「咁好笑？有啲咁嘅事咩？除非我失憶我覺得件事好戲劇化，咁你哋可唔可以問吓佢捉唔捉到？喺張床度定喺條街度？我道門都冇畀人叩過囉！（咁你係咪住錦田？） 嗰頭囉！我啱啱搬咗冇幾耐㗎咋！」至於會否覺得被詹秉熙連累？顏仟汶表示沒有埋怨對方。再問她會否勸詹秉熙兩公婆和好時，她說：「唔勸嘞！感情冇得勸，我自己段婚姻都咁呢啲嘢，鍾意就鍾意，唔鍾意就唔鍾意！」
歸咎流年不利
另方面，詹秉熙昨日受訪時同樣以「好朋友」來形容與顏仟汶的關係，但承認跟太太婚姻出現問題： 「又未至於離婚，呢啲係我哋屋企人嘅事，唔會牽涉人哋！」會否覺得累到顏仟汶被指是「小三」？他說：「或者我問吓佢覺唔覺得累咗佢（佢成日上你屋企食飯？）我哋係好朋友，好多朋友聚會都會見到，上我屋企都係一大班人。」至於太太曾「捉姦」一事， 他說：「呢啲流言蜚語，真係冇可能，或者係流年不利」
更多新聞，請瀏覽東方日報網頁：
http://orientaldaily.on.cc/
|
鍾意就快D Share啦！
|
|
|