「Motherhood is the greatest thing and the hardest thing.」38歲幸福型媽何嘉莉去年底為機師老公Gerald誕下女兒Zoe，連同跟前夫、甜品大王𤏸逸璋所生的大仔Jean，組成一家四口幸福之家。自己子女自己湊，何嘉莉早前和囝囝影了兩母子的第一個時裝專輯，「同佢講咗，係當做送畀我嘅母親節禮物。」留下親子的時尚印記。
採訪：林妙萍
攝影：周樂恒
化妝：Chris Chau
髮型：Derek of Xenter
造型：PIPA Creative
服裝提供：Gucci
場地提供：Gucci Elements Children's Space
何嘉莉和五歲多的兒子Jean，上周六去了圓方，穿上Gucci新裝為《add》拍攝親子時尚，小帥哥Jean比較cool，全程不笑扮酷，何嘉莉說：「佢同我一樣咁慢熱，我之前已經同佢講定，今日佢要幫忙，同我做個母親節shooting。」
| | | |
返學冇手機
今次是兩母子第一個時裝專輯，一時Gucci虎頭母子裝，一時紅白sharp look，小小年紀的Jean亦有自己想法，不肯孭童裝背包，最後由媽咪孭，自己揀外套着。「佢哋呢個年紀，唔鍾意影相、唔鍾意媽咪錫，任何事都要同佢哋講，因為唔尊重佢，佢會唔開心。」曾做過stylist，何嘉莉現時甚少玩絕襯母子裝，「唔會襯到一模一樣，會配同一個色，或者同一個tone。佢都少少貪靚，自細鍾意自己襯色，藍衫配藍色鞋咁。我就因為佢哋，𠵱家着衫就盡量簡單化。」
曾笑言貪靚要用小手袋的何嘉莉，出街不會帶玩具，「佢哋慣咗，通常我會就地取材，睇吓手頭有乜咪用乜，例如去飲茶，就畀張紙、支筆佢畫畫。」許多家長都貪方便讓子女玩手機，「盡量唔畀，基本上返學係唔可以用的，只有weekend、放假，先可以玩一個game或睇一套卡通片。」身教重要，何嘉莉在子女面前會盡量不睇手機，親子時間就親子至上。
問到囝囝Jean鍾意媽咪還是妹妹多些？他細細聲說：「鍾意媽咪。」何嘉莉難忘一次收到囝囝送的母親節花，「其實有一次佢送咗支花，我見朵花謝咗，咪丟掉啦，跟住佢第二日喺垃圾桶發現咗支花，喊喊喊問點解，嗰時佢好細個，得三歲。」
學畫畫踢波
做兩個小孩的媽咪，何嘉莉坦言不做怪獸家長，只想子女開心、自信，自由成長。Jean現時升讀國際學校，沒有密不透風的學習班、課外活動，「好少畀佢學嘢，佢𠵱家大咗，佢鍾意畫畫，所以畀佢學，同埋有去踢波。最緊要品格好、有禮貌，出外唔會太粗魯。」
大仔快六歲，細女才剛滿七個月，機師老公經常要飛，一家四口幸福也要靠媽咪打點，「生咗個女之後，時間真係塞到滿晒，因為仔女年紀太唔同，需要嘅亦唔一樣，真係要係咁塞係咁塞，等佢哋瞓晒覺，我先可以有私人時間做拍片、upload工作。」
| 老虎頭針織上衣 $3,950 On何嘉莉 虎紋針織上衣 $9,900 米白半截裙 $13,900 手鐲 $9,200 戒指 $3,500 | 藍白 Bomber Jacket $4,050 On何嘉莉 Guccy Tee $4,300 綠色絲絨 Jacket $18,500 耳環 $12,500 |
有型湊仔KOL
38歲有型媽咪何嘉莉，湊住兩個小朋友，事隔15年重新簽了英皇，以KOL身份工作。Ig分享喼弗扮靚、如何有型湊仔、親子瑜伽等心得，也上載自己為囝囝剪髮教室等。
「拍戲、唱歌真係唔會啦。」問何嘉莉再追一個小朋友？她哈哈大笑：「唔想再有呢個意外啦，𠵱家已經冇晒時間，再多一個真係搞唔掂，𠵱家花喺自己身上嘅心思真係少咗，shopping都係睇童裝，自己衫就online shopping簡單啲。」
更多精采時尚內容，盡在http://add.appledaily.com。
|
鍾意就快D Share啦！
|
|
|
