恭喜晒！吖，唔係，恭喜梁麗翹至啱！藝人梁麗翹（Nicole）早前誕下囡囡Nanette，現時留喺屋企專心照顧愛女。呢日，一班圈中好友好似陳庭欣、莊思敏 ...
藝人梁麗翹（Nicole）早前誕下囡囡Nanette，現時留喺屋企專心照顧愛女。呢日，一班圈中好友好似陳庭欣、莊思敏、莊思明同彭慧中等就去咗探佢，仲輪流幫手湊B，認真識做！
之後，莊思敏同莊思明分別喺社交網上載合照，見佢哋輪流抱實Nanette影相，莊思明仲嘟嘴作狀錫錫，睇嚟好鍾意小朋友喎，唔知幾時到佢同男友楊明生番個呢？
另外，單身嘅莊思敏就抱住另一個小朋友合照，見佢笑到見牙唔見眼，加上抱B嘅手勢純熟，唔講仲以為係母子合照添！難怪都有網民誤會咗，竟然留言恭喜佢有小朋友，相當搞笑！
