2018年6月27日 星期三

楊明滾大老婆本明年做拿督女婿 __,楊明,

翹實出巡<br>楊明和莊思明翹住手,準備去巡舖。
楊明滾大老婆本明年做拿督女婿藝人楊明與莊思明拍拖兩年,人前相當恩愛,雖然思明貴為擁8億身家的拿督千金,但也不介意與男友兩份捱。楊明近兩年備受無綫力捧, ...


楊明滾大老婆本明年做拿督女婿

藝人楊明與莊思明拍拖兩年,人前相當恩愛,雖然思明貴為擁8億身家的拿督千金,但也不介意與男友兩份捱。楊明近兩年備受無綫力捧,力爭上到一線小生地位,繼之前做時裝生意後,最近又在荔枝角開燉湯店,實行為明年娶妻做好準備!

現年37歲的楊明近年終於上位劇接劇,但入行接近20年的他深明娛樂圈工作被動、缺乏安全感,早已與朋友在馬來西亞投資服裝生意,雄心壯志的他再與好友合資在荔枝角搞燉湯店,目前試業兩個月,主攻工業區OL市場,夠晒前景滾大「老婆本」!眾所周知,思明家底厚,但從不揮霍,拍拖後亦隨男友一樣轉以隨性打扮,平時慳儉貼地,去年不幸發生交通意外令愛驅Total Lost,上月才以50多萬元購入紅色戰車。

準外父8億身家

日前記者就拍到她駕着新戰車,接載楊明由寓所抵達荔枝角,兩人以白Tee、黑褲情侶Look出巡,拖手走到港鐵站旁,原來齊齊往燉湯店巡視業務!由於正值午膳時間,全店都擠滿人,更有不少客人等外賣,老闆楊明見狀即時變身店員,換上制服幫手,思明亦體貼地乖乖坐到角落,離遠欣賞男友努力的背影。見到男友在吧枱熱得滿頭大汗,她即揮手示意,之後更上前幫忙抹汗,楊明即時冧笑,真係再辛苦都值得!

個多小時後人潮散去,小兩口終有機會互動,「老闆娘」上身的思明指一指高處的餐牌,楊明即時擔梯爬高左抹右抹,女友亦緊張扶實梯邊。忙完一輪,楊明拎出自家湯水,思明一口接一口,更親手餵他飲,愛心靚湯果真甜到漏!

親力親為<br>老闆之一楊明在店內招呼客人。
  • 親力親為

    老闆之一楊明在店內招呼客人。
搣搣面珠<br>兩人在店內打情罵俏,更搣男友面珠。

  • 搣搣面珠

    兩人在店內打情罵俏,更搣男友面珠。
體貼抹汗

  • 體貼抹汗

提到在舖頭做「生招牌」,楊明笑說:「都係間唔中落去幫頭幫尾,目前都係熟習樓面啲執餐工夫,廚房入面仲係乜都唔識,都係我拍檔負責食物同燉湯。開店前有大家開會,研究邊啲湯水有功效、有益啲。」他透露投資六位數字:「都有計劃短期內再開分店,希望喺寫字樓區開到店畀街坊試。」是否趕儲老婆本?他笑言:「盡力盡力」事實上,思明的拿督父親莊寶坐擁8億身家,單是三姊妹在港的山頂大宅也過億,難怪楊明要努力儲錢。

愛心湯水

  • 愛心湯水
擔梯清潔<br>楊明爬高清潔,莊思明緊張扶到實。

  • 擔梯清潔

    楊明爬高清潔,莊思明緊張扶到實。
出動戰車<br>莊思明駕駛50萬紅色新車接載男友。

  • 出動戰車

    莊思明駕駛50萬紅色新車接載男友。

想夾份搞時裝生意

思明事後受訪,提到以「老闆娘」身份視察,她說:「間店我冇份o架,係佢同朋友夾份,我好少落去,佢耐唔耐就會去幫手,特別午飯時間,真係會做到踢晒腳,佢都唔好意思靠拍檔打理晒間舖。」問到會否與男友合資?她笑說:「我哋都鍾意買衫,或者將來一齊做吓時裝生意。」






鍾意就快D Share啦!
Related Posts Plugin for WordPress, Blogger...