【《蘋果》專訪】陳雅倫（Ellen）現年52歲，因駐顏有術被封為美魔女。Ellen近年主力在內地發展，除了拍廣告，又有自己公司。雖然只偶爾在港現身，但依然新聞多多，緋聞更加停不了，以為崔建邦最新鮮滾熱鬧？又忽然傳與沉香大王簡文樂女兒Katie過從甚密，惹來「轉性」疑雲。
| | |
驚聞洗米華已婚
日前Ellen接受《蘋果》專訪，細談多年緋聞，表示當中有真亦有假，又爆當年不知追求她的周焯華（洗米華）已婚。她說：「當係曇花一現嘅追求者囉，鬼知佢結咗婚咩，有次傾開偈，佢話結咗婚，我嘅反應係：『吓！你……結……咗……婚……？』我梗係走啦，因為唔可以做小三，而且我佔有慾好強，唔可以同人分享。」至於威尼斯人賭場總裁Mark Brown，Ellen認曾經視對方為結婚對象，最後分手，她只怪自己脾氣大。
談到入行後與當年獲力捧的陳庭威的一段情，Ellen透露二人入行前已認識，斷斷續續拍拖五年，最終性格不合分開。至於拍拖11年的黃尚偉，為何最終又分手？Ellen嘆謂：「佢屋企人反對，唔鍾意佢同娛樂圈人拍拖，咁拍咗咁耐都冇結果咪分開囉，舊嘅唔去新嘅唔嚟！」
令秋生變怕醜男
回憶段段情史，Ellen臉上總帶着笑容，即使提到前年跟吳彥祖表哥Martin一段閃「分」戀情，Ellen依然笑着回應：「有冇睇《志明與春嬌》？入面有句對白，大概係話：『人一生真係會遇到幾個渣男！』吖嘛！」不過，說到好笑，Ellen稱一定是傳她和黃秋生。她笑謂：「呢個真係好搞笑，其實係有次同鎮宇（吳鎮宇）拍戲，佢成日話秋生會嚟，我都覺得奇怪，做乜成日講秋生？後來佢話以前秋生將我嘅海報貼喺衣櫃門，之後我留意到秋生見到自己，又真係好怕醜，好似見到偶像咁，你真係冇見過秋生怕醜呀！不過後來因為合作，大家都變咗好朋友。」
採訪：小米
攝影：林德雄
場地提供：Indonesian Restaurant1968
|
鍾意就快D Share啦！
|
|
|
