掃呢頁CODE去手機

2018年6月29日 星期五

【拍拖兩年】為舊愛練海棠寫《唯獨你是不可取替》 梁芷珊:我張畢業相佢影嘅 __,梁芷珊,練海棠,

攝影:沈健程、攝錄:廖達燊
如果今天將失去 眼前的一切 剩低清風兩袖也不計唯獨你一個是不可給取替 是我生命裏的一切--許志安《唯獨你是不可取替》 填詞:梁芷珊緣起緣滅。當年梁芷珊 ...


如果今天將失去 眼前的一切 剩低清風兩袖也不計

唯獨你一個是不可給取替 是我生命裏的一切

--許志安《唯獨你是不可取替》 填詞:梁芷珊

緣起緣滅。當年梁芷珊在理工學院讀書,原來曾跟那時任《號外》編輯的練海棠、現在伍詠薇的老公拍拖。

因為練海棠,芷珊於91年開始填詞,可惜拍拖兩年分手;93年芷珊寫了《唯獨你是不取替》這首歌,20年後,安仔和鄭秀文成就了唯獨你是不可取替的愛情故事!

這首刻骨銘心的歌詞,芷珊只花了一個通宵完成。究竟,歌詞中不可取替的「你」是誰呢?芷珊說:「嗰時嘅男朋友。」練生還是羅生?她說:「嗰時未識羅生,之前嘅男朋友。」是否練海棠呢?她有所保留:「唔記得啦,不過依家同佢仲係好好朋友,好難得,我哋拍拖唔係好耐,呢首歌係冇同佢一齊之後填嘅。」掛念他而填?芷珊說:「唔係,我冇講過,我同佢拍拖兩年,嗰時太細個,我讀緊理工同佢拍拖,我仲好記得,我張畢業相係佢影嘅。其實我寫呢隻歌時同佢分開咗,冇話特別寫邊個,可能綜合愛情感覺寫。」

現49歲的芷珊人生經歷豐富,由結婚走到離婚,今日再聽這首歌,詞中的「你」又是誰呢?她笑說:「冇喎,正正覺得冇人不可以取替,先可以咁做,每個人都有啲嘢嗰刻放唔開,但唔會冇咗會死,有乜嘢係唔可以取替?你放棄自己就冇,但你肯去做自己,先至值得欣賞。

「好多朋友同我講,你喺呢個時候揀分開,你唔驚冇人要咩?冇人知,唯一要做好自己。有啲意見你要聽,譬如你好殘、個樣好唔開心,咪開心啲囉,照下塊鏡,樣好攰喎,早啲瞓囉。雖然咁多年失眠都要用藥去瞓,但我冇上癮,只係半粒份量,人哋講嘅嘢未必空穴來風,自己調整囉,如果呢刻問我,個女最重要,佢未成年前我對佢有好多責任。」

撰文:余燕儀

場地:Spark Bar & Restaurant

精選娛聞,喺晒《娛果》

http://fb.com/appledailyent

攝影:沈健程、攝錄:廖達燊 當年是理工校花嘅芷珊跟練海棠拍拖,又做過學生會雜誌封面。(梁芷珊提供) 當年是理工校花嘅芷珊跟練海棠拍拖,又做過學生會雜誌封面。(梁芷珊提供)
讀中學時嘅芷珊樣子清純(梁芷珊提供)

讀中學時嘅芷珊樣子清純(梁芷珊提供)
《唯獨你是不取替》歌詞刻骨銘心。

《唯獨你是不取替》歌詞刻骨銘心。
「有乜嘢係唔可以取替?你放棄自己就冇,但你肯去做自己,先至值得欣賞。」

「有乜嘢係唔可以取替?你放棄自己就冇,但你肯去做自己,先至值得欣賞。」

鍾意就快D Share啦!