楊思琦將於8月7日踏入40歲，雖然已為一女之母，身材依然弗爆。不少女士提起「39+1」這個數字，都會封口避談，但對於思琦而言，「39+1」卻是一個值得紀念的數字，所以決定在今年書展推出首本個人寫真集《Miss Szeki2018》，希望趁輕熟之齡為自己留下一點回憶。
| | |
囡囡話OK
早前思琦為寫真集赴馬來西亞五日四夜取景，她換上近二十套靚衫拍寫真，當中不乏小背心、泳衣及睡衣等性感造型。思琦這位01年港姐冠軍雖然已為人母，不過其34D、24、34勻稱身材依然keep得好好，令人羨慕。思琦接受《蘋果》訪問時表示：「其實以前都想出一本寫真，邊個唔鍾意靚相，想趁青春留倩影。但以前經理人係無綫，比較少機會出寫真，咁啱之前有出版社搵我，咁就一拍即合。」
思琦表示拍攝過程都頗為辛苦，因為要由朝曬到晚，她笑言吸收了不少維他命D。不過，她強調今次不是賣弄性感，而是sell美感，所以連囡囡卓穎睇都OK，她說：「平時同佢游水着泳衣都係咁，都係sell健康性感。」
收益為善
問到有否想過賣到多少本？思琦說：「主要係想完成一樣自己想做嘅嘢，寫真入面除咗靚相，仲有用文字分享自己唔同階段嘅成長，仲會透露有一啲鮮為人知嘅事，而賣到幾多，扣除成本後都會捐去慈善機構，對我嚟講已經係一舉兩得。」
採訪：嵐山
|
鍾意就快D Share啦！
|
|
|
