平時見朱玲玲羅康瑞拍住拖出event 就見得多喇！咁私底下呢？咪一樣咁恩愛囉！
當年「最美麗港姐」朱玲玲十八歲嫁比霍震霆，婚姻維持咗廿六年，終於離婚收場。四年之後就改嫁富商羅康瑞。本身已經係瑞安集團主席，近幾年仲做埋貿易發展局主席，周身公務嘅羅康瑞，時間奉獻曬比個局，搞到老婆都詐曬型。
朱玲玲開到口投訴，羅康瑞即刻交人呢日竟然好難得咁比《壹仔》撞到佢地行街拍拖，呢對老夫老妻，沿路一直十指緊扣，sweet 到爆，真係打風都打唔甩！見到羅康瑞一手拎住袋戰利品，一手拖實老婆離開商場，似乎啱啱陪住老婆血拼。
之後行到去雜貨鋪，兩公婆孖住揀四季粽，有商有量，不過朱玲玲似乎三心兩意喎！研究咗一輪，終於扑桘，買咗半打粽，朱玲玲負責比錢，袋粽梗係交比老公拎啦。之後兩公婆，一個話行左，一個話行右，最後梗係羅康瑞投降，老婆話事。買完野兩個又自動黐返埋。朱玲玲繞住老公一直行。見到羅生羅太咁恩愛，《壹仔》隔住個mon 都feel 到佢地幸福喇！
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
