一段婚姻失敗，其實就唔代表一切嘅，唔少女星「翻頭嫁」，先至搵到真愛，仲幸福過以前。
好似樂基兒當年嫁比黎明做「天王嫂」，結婚四年，因為性格不合，離婚收場。做唔成「天王嫂」，Gaile 話咁快就識到做有機食品生意嘅Ian ，上年喺美國結埋婚，仲預告隨時生B，不知幾幸福！
仲有組合2R 嘅黃婉佩Race，被爆同新加坡商人陳靖諧秘密結婚。離婚後Race 再嫁比富商David ，仲生埋B女，而家住喺老公嘅一億大屋，過住少奶奶生活。同林敏驄有過一段婚姻嘅陳伶俐，當年因為女方偷食，搞到離婚收場。 12年陳伶俐帶住兩個仔改嫁新加玻隱形富豪胡嘉烈後人劉頌銘，仲幫劉家生埋B仔，母憑子貴。
「性感尤物」鍾麗緹當年同英藉男友未婚生B，不過婚姻維持四年玩完。03 年Christy 同台灣音樂人再婚，又再生兩女，8年後因為性格不合分開。16 年Christy 再嫁細佢12 年嘅男星張倫碩，三個女同現任老公相處融洽，christy 仲將囡囡改名姓張，一家五口不知幾溫馨。
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
