林子善去年底跟圈外女友董佩欣（Kary）先註冊，今年4月補擺喜酒。昨日卻有子善露骨情慾錄音流出，揭發他婚前暗交女藝人L小姐。林子善承認事件發生在兩年多前，當時跟Kary分手。Kary昨在社交網留言力撐老公，又勸L小姐要放下。
現年36歲的林子善去年向圈外女友董佩欣求婚後，10月先簽紙結婚，今年4月才補擺喜酒宴請親友。林子善在11年戀上Kary，他結婚時也坦承曾跟女方分手，後因好友唐詩詠勸告要珍惜Kary，兩人才有情人終成眷屬。林子善昨日卻被爆出兩年多前曾暗交圈中女藝人L小姐，用露骨兼挑逗情慾字眼冧爆女方，更火速同居。林子善在今年4月擺酒時，透露兩年前已計劃儲錢娶Kary，時間十分脗合。報道指L小姐因不想做第三者，林子善決定跟Kary分手後，全力追求L小姐。因女方不想發展地下情，林子善甚至帶她出席劇集《鐵馬尋橋》的聚會，同場的鄭嘉穎見林子善換畫，更識做稱呼對方做「阿嫂」，其他人亦跟着叫「阿嫂」。
嘉穎叫阿嫂
林子善與L小姐流出的情慾錄音，林子善更主動表示會為女方買牙刷，方便她留下時使用，又給她家中鑰匙，終成功游說到L小姐搬往同居，林子善更安撫女友做好安全措施：「黃秋生話齋，你唔好睇我神神秘秘，以為我sell緊嘢，其實我攞咗啲預防愛滋病嘅避孕套。」其後林子善又說：「我喺張床度，聞你殘餘嘅氣味。」兩人發生親密關係後，林子善更形容：「經過噚晚0.01接觸，令我更加掛住你呢隻寶貝！」他甚至再三強調沒玩過女方：「我從來都冇玩過你，你大可放心。」不過，林子善之後卻以性格不合狠飛L小姐，他則跟Kary復合，而L小姐大受情傷後離港。
向老婆備案
林子善向周刊回應稱婚前有跟Kary備案，並強調跟L小姐交往時是單身。林子善昨日再回應說：「不作回應了，唔想將件事越搞越大，因為已經過去兩年幾。」Kary昨也在Ig留言撐老公：「有我喺度support you，唔使擔心，雖然你成日亂噏，但好在一向互相坦白。多謝各位關心同緊張我哋，唔會因為咁小嘅事影響到我哋，畢竟已經兩年前嘅事，亦希望女方都早啲放低啦。」林子善也回覆：「多謝你嘅支持，你比任何嘢重要。」
L小姐身份成謎，林子善兩年前曾跟歌手黃思迦傳緋聞，有人猜測黃思迦可能是聲帶女主角，黃思迦昨日否認：「我唔識林子善㗎，我諗大家認錯咗第二個啊，因為我真係同佢完全唔識㗎。」
採訪：何永寧、皓騫
|
鍾意就快D Share啦！
|
|
|
