張延04年與張錦程結婚後，生下囡囡張耕夢(夢夢)，如今夢夢12歲，就讀中一。早前錦程接受ViuTV《晚吹-Daddy Kingdom》訪問時，曾大爆老婆在囡囡3歲時，已問他怕不怕囡囡他日會成為女同性戀，當日錦程說：「我就問佢問嚟做乜，而且呢啲係生理影響，取向冇人知，佢（女兒）遲啲會知，但冇辦法。每人有每人想法，每人有每人喜好，總之唔傷害別人咪算囉！」
兩夫婦接受專訪當天，也有帶同囡囡現身，12歲的夢夢樣子標緻，似足媽咪，只是陌生人前表現害羞，不大喜歡講說話。錦程感恩似的說：「似媽咪好過似自己。」
兩公婆經常到大陸開工，跟囡囡溝通及相處時間豈非少之又少？錦程：「所以我哋相處時間要有質素囉！有小朋友之後我哋都開始減產，佢一年拍一至兩個劇。我哋工作時，爺爺嫲嫲嚟湊佢哋囉。」幸好囡囡小小年紀已經明白，由細到大不會扭計。
張延：「我最記得佢細細個有次同佢通電話，佢話：『媽咪，我可以喺電話線度爬過嚟搵你喎。』到o依家大個咗，我拍戲返嚟問佢掛唔住我，佢話：『我都慣啦。』跟住到我唔慣。不過爺爺嫲嫲湊佢佢好開心，大家個家庭感覺好強，所以我哋出去做嘢都好放心。」
可曾想過生多個？錦程即耍手擰頭：「好貴㗎成本。除咗要養佢之外重要教佢，o依家成個社會咁複雜，個地球越嚟越混亂，啲教育又越嚟越離晒譜，你都要有時間同成個教育制度角力，如果再多個小朋友，我驚我冇力，好攰囉。」
採訪：戴彩煥
拍片：廖達燊
攝影：仇志德
場地：金蘭花泰國菜館
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
