松岡李那好性感呀！
松岡李那於銅鑼灣出席寫真發布會，她着上粉紅色開胸泳衣，配搭透視雨衣性感亮相，活動期間更獲特意飛來香港的日模好友久保杏奈（Anna）送花力撐，並一口氣買了200本寫真集以示支持。
送畀林德信
松岡指事前並不知道好友會現身撐場，她說：「Anna尋晚問我今日嘅時間同地點，我先知佢會嚟，佢仲同我搭埋同一班機。班機仲要delay咗一個鐘，所以頭先搭港鐵趕過嚟。（着到咁性感搭港鐵？）唔係，嚟到先換，不過太匆忙，工作人員畀咩我就照着。」她續指第一批寫真印了一萬本，並打算買來送給媽媽，以及張建聲、林德信等男性好友。
可能出再版
問到寫真最性感的尺度，她表示：「全部都sexy，太多唔記得啦，係有一張我冇着上衣，淨係用雙手遮住上身，嗰張拍得好靚，但我睇過本書唔見有呢張相，可能等賣晒出第二版先放落去。」
久保杏奈唔出寫真
另外，問到Anna可有打算出寫真，她直言不是主打性感路線，加上性格像男生，所以不會考慮出寫真。她又透露原來男友也有為松岡的新書出一分力，她說：「松岡其中一套泳衣係由男友設計，所以真係好特別，我會拎晒啲寫真番日本送畀朋友。」
來源 source: http://hk.on.cc
|
鍾意就快D Share啦！
|
|
|