《BB來了》第13至15集（星期3、4、5）劇透：
以姚嘉妮嘅外形，都真係幾難搵到人請佢做陪月，難得有位張太肯請佢，開工時梗係要小心啲，唔好得罪人啦。所以，就算姚嘉妮撞破張太老公同隔離屋女人關係曖昧，Ali都千叮囑萬吩咐，叫佢唔好將件事話俾張太聽。
不過最後，張太都係炒咗姚嘉妮，「媽媽谷」更謠傳姚嘉妮係「地獄陪月」，牽連寶安心成為眾矢之的。唔通佢將張生外遇嘅事話咗俾張太聽？但姚嘉妮堅稱無爆響口，更奇怪嘅係張太對佢亦無任何投訴，咁點解要炒佢呢？
禍不單行，黃長興妹妹Fiona話想改善兩家關係，於是請姚嘉妮做陪月，又要求姚嘉妮用古法紮肚幫佢恢復身形。姚嘉妮免為其難幫忙，但Fiona因紮肚受傷更一口咬定姚嘉妮傷人要告佢，寶安心亦收到律師信，被要求終止姚嘉妮合約。
黎諾懿建議犧牲姚嘉妮，但Ali覺得老公有所隱瞞，亦懷疑到范文雅身上。有時女人嘅直覺真係好準，事關黎諾懿真係跌咗入范文雅嘅圈套。
是咁的，范文雅以高薪拉攏黎諾懿幫佢做嘢，黎諾懿為前途著想一口答應。與此同時，范文雅酒後亂性色誘黎諾懿。直到黎諾懿懷疑姚嘉妮整傷Fiona被告係同范文雅有關，並打算辭職時，一切已經泥足深陷。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
