掃呢頁CODE去手機

2018年7月25日 星期三

【爆相爆片】80歲夏萍入住老人院精靈出外開餐 梁健平:佢話自己肥咗 __,梁健平,精靈,夏萍,

80歲夏萍姐日前被《蘋果》讀者發現喺石籬食晏。(左及中圖為讀者提供圖片/右圖為資料圖片)
現年80歲嘅資深演員夏萍(Apple姐),15年10月喺獨居嘅九龍灣寓所跌倒10個鐘後被送院,留院17日之後,由梁健平同一個女性朋友送佢出院,而App ...


現年80歲嘅資深演員夏萍(Apple姐),15年10月喺獨居嘅九龍灣寓所跌倒10個鐘後被送院,留院17日之後,由梁健平同一個女性朋友送佢出院,而Apple姐個女就因為扭傷腳未能出現。當日Apple姐坐住輪椅精神奕奕出院,梁健平就話安排咗看護人員送飯同定時幫Apple姐打針。(相關新聞: https://bit.ly/2uLgbHQ )據知Apple姐因為對腳有事行動不便,所以出院之後就入咗老人院住,方便有人照顧。

事隔兩年多以嚟,Apple姐一直調養身體冇公開露面,直至7月23日,有讀者就喺葵涌石籬邨一間茶餐廳撞見Apple姐同朋友食晏。讀者潘先生日前透過《蘋果》嘅「爆相爆片」話:「今天在石籬上班,放lunch食飯時望過隔離枱就見到一個超精靈嘅老人家,睇真D原來係夏萍姐,好開心見到她可以自己食東西不用餵,希望她一直都咁健康精靈。」

睇番潘先生提供嘅片段,Apple姐當時同一位女性朋友喺茶餐廳開餐,佢戴住紅色cap帽同披住條紅色披肩,枱面上放咗副太陽眼鏡,見佢一手揸匙羹一手捧住個碗仔自己食嘢,食兩啖又同朋友吹水,雖然當時Apple姐坐住輪椅,但精神相當唔錯。

《蘋果》打過電話畀Apple姐,但佢嘅電話號碼已經停止使用,而《蘋果》聯絡梁健平時,佢話Apple姐現時入住老人院,並且cut咗手機,想安安靜靜生活唔畀人騷擾。梁健平話:「我近排只係同佢電話聯絡過,佢話自己情況OK,佢話自己肥咗㖭!大家唔駛擔心。」

精選娛聞,喺晒《娛果》

http://fb.com/appledailyent







80歲夏萍姐日前被《蘋果》讀者發現喺石籬食晏。(左及中圖為讀者提供圖片/右圖為資料圖片) Apple姐個樣都好精靈。(讀者提供圖片) Apple姐個樣都好精靈。(讀者提供圖片)
自己攞匙羹同碗仔食嘢。(讀者提供圖片)

自己攞匙羹同碗仔食嘢。(讀者提供圖片)
Apple姐坐住輪椅。(讀者提供圖片)

Apple姐坐住輪椅。(讀者提供圖片)
邊食邊同朋友吹水。(讀者提供圖片)

邊食邊同朋友吹水。(讀者提供圖片)
留院17日後Apple姐由梁健平陪同出院。(資料圖片)

留院17日後Apple姐由梁健平陪同出院。(資料圖片)
Apple姐打扮一向好新潮。(資料圖片)

Apple姐打扮一向好新潮。(資料圖片)
梁健平話Apple姐現時情況幾好。(資料圖片)

梁健平話Apple姐現時情況幾好。(資料圖片)

鍾意就快D Share啦!