黃子華自上周五開始，在紅館舉行26場的棟篤笑告別作「金盆顦口」，連日來吸引不少圈中好友來捧場，邱淑貞夫婦、陳法蓉、林祖輝及名媛黎曉靈（Kimmy）等就在大前晚捧場。當晚子華完騷後，走到後台見到好友林祖輝，立即失控抱住對方大哭一場，令在場人士一時間也不懂反應。Kimmy事後在朋友圈分享相片並留言：「男神不忘初心感動落淚了！」
原來子華和林祖輝識於微時，當年子華第一次開棟篤笑時，因擔心銷情慘淡，對方曾仗義相助，一齊去油麻地貼街招，又去尖沙嘴太空館門外拉banner，故每晚子華在台上，都會多謝這位難兄難弟。
林祖輝昨日接受《蘋果》訪問時表示︰「佢唔知我喺度，諗住打個招呼，未講嘢都震晒。」當年他和子華在商台及亞視共事，故成為好友。林祖輝見證子華的棟篤笑，由文化中心到伊館、再到紅館，有指當年是他替子華去紅館取表格，又一齊度騷名，連子華在沙士期間開騷，他亦幫手在伊館門外派口罩予觀眾。
有事一定幫手
林祖輝說︰「佢話最後一次騷，會諗番點準備，因為頭一段時間都有幫手，佢諗番成個棟篤笑，有啲回憶，所以好感動！」祖輝直認現在與子華少了聯絡，因各有各忙，他說︰「大家係少咗聯絡，但朋友就係咁，有事就一定幫手，好似我幾年前開童裝舖，佢都二話不說嚟撐場。」
採訪：嵐山
|
鍾意就快D Share啦！
|
|
|