網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月19日 星期四

溫拿:揭溫拿拆夥始作俑者!陳友單飛路途艱苦 __,陳友,溫拿,

放手其實絕非愛得不夠。由陳友、譚詠麟、鍾鎮濤、葉智強、彭建新組成的「溫拿樂隊」,於七十年代瘋魔不少粉絲,及至七十年代末各人卻各自發展,陳友早前接受訪問 ...


放手其實絕非愛得不夠。


由陳友、譚詠麟、鍾鎮濤、葉智強、彭建新組成的「溫拿樂隊」,於七十年代瘋魔不少粉絲,及至七十年代末各人卻各自發展,陳友早前接受訪問,自爆原來是他當年決定分開發展的始作俑者:「仲記得當日啱啱去電台做完節目,大家喺草地上面傾偈,我同大家商量,不如試下各有各發展啦,其實之前我已經同彭健新、葉智強講過,佢哋都話OK,所以個日就講出嚟!」至於為何有此決定,陳友直言:「我哋1973年成立,一路都向上發展得幾好,直到1978年我哋好似谷到上一個平位,冇再向上,當時阿倫(譚詠麟)同阿B(鍾鎮濤)都好多人搵,佢哋可以繼續上,咁不如唔好拉住佢哋,又或者我哋可以有第二樣嘅係得嘅呢。」

陳友亦很坦誠地笑言各行各路之後,自己的路途變得很艱苦:「一方面我好戥佢哋開心(指阿倫、阿B愈做愈好),自己就麻麻地,另外兩個(彭建新、葉智強)就話我點解嗰時講埋啲咁嘅嘢(指各有各發展),不過,點都好,咬緊牙關就得。(拍檔咁耐有冇嗌過大交?)真係咁耐都冇,只係我寸吓你,你寸吓我咁,好奇怪,從來冇乜點拗過。」

陳友早前執導電影《兄弟班》,就是用溫拿年輕時的故事作藍本,他笑言譚詠麟看後話他小器,而他執導前亦沒有畀最後劇本給眾成員看,因知道一定冇辦法取得共識,而戲中有講到眾人因發展各異,而待遇亦有不同,對此,陳友笑言:「咁當然紅嘅會酒店房大間啲,保鏢又多啲,呢啲好合理,(咁當時有冇酸溜溜?)冇喎,因為我哋會兜亂嚟住,我哋冇計較呢啲嘢。」

場地提供:1563 At The East Live House and Restaurant


來源 source: http://hk.on.cc
鍾意就快D Share啦!