黃子華前晚在紅館演出棟篤笑「金盆𠺘口」第12場，獲周潤發夫婦到場支持，子華在臨近尾聲時，先多謝發哥支持，再自爆二人當年的一段淵源。子華在台上透露多年前已貴為大明星的發哥，對仍未被人認識的自己青眼有加。
| | |
握手兼送禮
提到90年首次在香港文化中心開的棟篤笑，子華說：「第一次開棟篤笑，幾場加埋先至2千人，所以我唔信發哥係識得我。」但有一次子華在酒店撞見發哥，對方居然迎面走來，更主動握手，令子華受寵若驚。10年後子華再度野生捕獲發哥，當時在西貢拍攝《男親女愛》，他說：「過咗一排，TVB同事搵我，同我講『喂！發哥有嘢畀你。』拆開原來係一張相。」原來發哥當日用相機紀錄了子華拍戲的一刻，還裝裱好作為禮物送給子華。子華前晚還帶了該份禮物上台，公開感謝：「好感動！估唔到喺我冇乜人識嘅時候，有人對我咁好。」
完騷後發哥接受訪問大讚子華表演出色，他說：「子華係一好有才華藝人，佢話金盆洗手係香港觀眾損失，希望佢再隔幾年再做畀大家睇。佢講嘅係好貼地氣，香港人好有共鳴，好多歡樂畀觀眾。希望佢唔好唔做」他表示當年酒店相遇握手一事，確實認得子華，因為一直覺他說話有深度及才氣。
行埋講瘦身
另外，騷前發哥跟發嫂已先到後台為子華打氣，一身黑色緊身衣的發哥，跟同是鋼條身形的子華拍在一起，相映成趣。二人話題居然離不開瘦身及體重，子華說：「我諗你都係重我五公斤左右。」又自爆：「你（體重）都係5字頭，我都係5字頭。」
採訪：張俊銘
攝影：沈健程
|
鍾意就快D Share啦！
|
|
|