講完婆媳糾紛、新手媽媽、產後抑鬱，最近兩集《BB來了》講頂手寶安心，有啲悶。好彩，間中仲有啲養眼鏡頭令觀眾驚喜，甚至啲感人時刻令人反思。
講到養眼，范文雅無得輸。《棟仁的時光》玩製服誘惑，加上角色純情，令人有足夠想像空間。估唔到而家變得咁主動直接開放，係個「心胸廣闊」嘅富家女。
唔好忘記仲有個索人母姚嘉妮，混雜喺一班二線陪月阿姐之中，呢對42吋長腿咁樣翹法都好搶focus㗎。
不過薑係老嘅辣，Madam盧扮李佳芯，唔笑當你贏！
至於陳秀珠，繼Madam盧「寂寞的老母」後，又有令人感動、反思嘅「老而不廢」問題。事關做咗寶安心事頭婆嘅陳秀珠，無料扮四條，但又面皮薄唔話得，指正少少就發老脾，真係好惡頂。不過銀仔有兩面，佢都有自己嘅苦況，就係想搵到自己嘅價值，希望老而不廢，唔好人到黃昏渾渾噩噩成條鹹魚咁。所以佢出發點無錯，只係太急於證明自己，態度偏激咗。同時亦帶出一個香港普遍嘅老人問題：長者生活好聽就「享清福」，唔好聽就係終日無所事事，加上身邊伴偶、老友突然走吓又一個，無工作證明自己、打發時間，真係隨時老人抑鬱，搞到覺得自己阻埞、同社會脫節、等死。
請參與壹週刊大獎賞活動！有機會贏取郵輪假期 、名牌腕錶、4K超高清電視或金箔護膚品，仲有機會同陶傑共晉晚餐添！
即按：http://bit.ly/Appinstall18
每日大量精彩內容，立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|