將屆82歲的謝賢（四哥）一生風流，十多年前戀上細他49歲的上海女子CoCo，前晚他出席活動時，終於承認與女友分手，結束12年爺孫戀。回復單身的他自言生活孤獨枯燥，住大屋如坐監，希望有工作調劑。四哥更大爆15年與曾江《4個小生去旅行》的掌摑事件是造假搞氣氛，笑言胡楓比他更好戲。
謝賢將於本月尾就滿82歲，自95年與狄波拉離婚後，風流成性的他繼續戀愛，70歲時戀上比他年輕49歲的上海女子CoCo，譜爺孫戀，二人拍拖12年。CoCo曾開腔表示與四哥一齊幸福，大讚他是紳士，對她呵護。不過四哥近年與CoCo再未有如以往般出雙入對，至今年初，傳出二人分手，但四哥當時就未有表態。
四哥前晚與胡楓（修哥）及薛家燕等，現身尖沙嘴出席福臨門鮑魚宴，心情大靚的他滔滔不絕，盡訴心中情。記者問到他與CoCo的感情近況時，四哥就直認回復單身：「冇拖拍先死，真係好悶，起身就望住個海，早餐、食飯都係一個人，好枯燥。𠵱家有少少嘢搵我做就開心啲，因為真係好似坐監咁，《鋒味》都有搵我出吓鏡，搵番兩個錢自己使，係咪都有啲嘢做吓。」問到他會否再拍旅遊節目，他說：「有人請我做乜都做！我好有魄力㗎！」
摑完即請食雪糕
四哥與修哥、曾江及Joe Junior15年拍《4個小生去旅行》，當年四哥在記招上掌摑曾江，修哥勸交被打甩眼鏡事件，問到以後會否嚴選拍檔，四哥即爆當年內幕：「黐線嘅！我哋𠵱家唔知幾friend，嗰時係做戲！」至於修哥眼鏡飛脫，四哥就表示：「佢自己做㗎嘛，佢用手指撳住眼鏡，佢好好戲，係老戲骨，好戲過我哋好多。嗰巴係四個人一齊度，係擺我上枱，我個人有乜所謂箒，不知幾過癮！但係後尾就唔過癮呀，因為個個指住我鬧，幾陰功呀，做埋啲咁嘅衰嘢！」問到之後有否請曾江食飯賠罪，他表示：「打完之後即刻請佢食雪糕啦，係我謝老四先咁蠢，佢哋本身係搵胡楓做嘅，但係佢講嘢『啊啊啊……』咁樣鬼聽佢呀！」
每兩星期探孫仔
四哥雖然甩拖，但心情未受影響般，大讚兒子霆鋒烹飪了得，問到霆鋒會否再買樓給他，四哥表示：「買嚟做乜？佢都費事我搬嚟搬去，將來都係佢㗎啦，呢個只係佢嘅心事。自己年紀老冇乜錢使，又好慳，霆鋒咁多錢都係因為我冇乜使過，我唔識使錢，都唔想浪費個仔嘅錢。」四哥坦言現在生活規律，如每兩星期就會去探孫仔，問到有否探「新抱」王菲，他即表示：「探都係探個仔啦。」四哥表明不會過問霆鋒私事，會否再婚都不會問，只希望對方開心。
採訪：羅慧敏
攝影：林賓利
|
鍾意就快D Share啦！
|
|
|
