【《蘋果》專訪】龔慈恩最近在劇集《那年花開月正圓》及《飛虎之潛行極戰》都十分搶鏡，這位美魔女後繼有人，她的18歲囡囡林愷鈴（Ashley）之前於北京修讀演戲，現在趁課餘出席活動及客串做模特兒。不過，林愷鈴今個暑假放榜後決定升讀大學，雖然她並非修讀傳統DSE，而是修讀國際文憑大學預科課程（IB），但日前她接受訪問時，表示十分緊張：「我未算係好叻，但對於今次考試係對得住自己，有啲期待個分係點。我已搏到盡，無悔喇！」
睇喜劇減壓
向來成績不俗的林愷鈴表示，平日會向比自己叻的同學取經，而且她每科都會親自做一本筆記：「一個月前要整理好，嗰個月內溫notes。」雖然面臨升學壓力，不過林愷鈴強調壓力並非源自父母：「我非常幸運，家人體諒，媽咪話冇所謂，話我已經好叻，佢都唔明點解我畀咁多壓力自己。學生喺大考都想證明自己，我唔想後悔，想（將來）畀仔女睇我張成績單，我成績OK。」
林愷鈴更大爆媽咪龔慈恩不時會送上美食為她減壓，而弟弟則用短篇喜劇讓她放鬆：「臨近考試，睇套電影都太奢侈。考試兩、三星期前已瞓唔着，細佬畀啲幾分鐘嘅喜劇我睇，我狂睇兩個鐘，笑完輕鬆咗，正面咗，覺得好有效。」
對演藝事業有濃厚興趣的林愷鈴，坦言對未來仍處於探索階段。不過對父母的演戲作品，林愷鈴就有很深印象：「最深刻係古裝作品，媽咪拍古裝好有嗰個型格。有時睇佢唔係本身性格嘅角色，佢哋好似上身，唔係嗰個人，演技非常好，我好想學，但有時角色對比大，投入唔到，完全唔似佢哋。最深刻係《西遊記》，見佢（龔慈恩）由觀音到扮和尚，故事慘情，我睇到囉囉攣。」
採訪：王連連
化妝: Zoey Chin of Zeoy Chin Beauty
髮型: JoJo Lau of Zeoy Chin Beauty
服裝提供：initial fashion
場地提供：M2 Home
|
鍾意就快D Share啦！
|
|
|
