今日（7月1日）下午5時許，港鐵東鐵線大埔墟站發生懷疑墮軌事件，其後有一男子被救護員由列車下救出。據知當時月台上有很多目擊者被嚇呆，而藝人馬蹄露就是其中一位。事後《壹》仔嘗試聯絡馬蹄露了解詳情，佢話：「本來我係北上，突然聽到火車煞車聲，跟住有小朋友大嗌，我擰過頭望去對面，以為煞車聲嚇親小朋友，但見到有人不停望車卡間嘅路軌，所以已知道有人墮軌。大約五分鐘左右已經有警察、救護人員到場，但見到現場已拉起帆布，可能救唔返喇，真係好可惜，唔知咩原因呀。」
目睹意外嘅發生，馬蹄露有好大感觸，最後更忍唔住喊埋出嚟：「原來咁不幸有人墮軌，咁心情梗係唔好啦，其實講真每個人生活都會有好難過時候，都會有高低起伏唔開心，其實選擇輕生係件好可惜嘅事，所以我希望大家，尤其是家人，要關心下自己家人多啲，有時候熟嘅朋友覺得佢有唔妥，都要關心佢多啲，俾多啲關懷佢哋，咁可能就唔會有咁嘅事發生囉。我望到都覺得好難過。」
來源 source: http://nextplus.nextmedia.com
|
鍾意就快D Share啦！
|
|
|