掃呢頁CODE去手機

2018年7月7日 星期六

解構黃絲藍絲黃子華金盆 __,子華,黃子華,

■子華最後棟篤笑「金盆𠺘口」昨晚開鑼,開場即講黃藍絲。
■子華最後棟篤笑「金盆𠺘口」昨晚開鑼,開場即講黃藍絲。黃子華連開26場的最後一次棟篤笑「金盆𠺘口」,昨晚在紅館開鑼,吸引甚多名人好友前來捧場。子華開騷 ...


黃子華連開26場的最後一次棟篤笑「金盆𠺘口」,昨晚在紅館開鑼,吸引甚多名人好友前來捧場。子華開騷向來都會涉及社會議題,今次亦不例外,甫開場即講香港近年黃絲、藍絲議題,大嘆香港做藝人要色盲,笑說自己也分不清黃、藍兩色,甚至連黑與白也不太清楚。

現年57歲的黃子華近年每次開棟篤笑都是全城熱話,早前他宣佈今次「金盆𠺘口」是他最後一次棟篤笑,令門票更加難求。子華的「金盆𠺘口」昨晚正式在紅館開鑼,不少名人撐場,包括白雪仙、陳寶珠、劉嘉玲、李嘉欣、古巨基夫婦、吳鎮宇、黎耀場一家三口、關心妍與老公楊長智、鄭中基夫婦及鄺美雲等。

開騷之初,大會螢幕先播出子華歷年來棟篤笑的精華片段,包括第一次的「娛樂圈血淚史」、「末世財神」及「秋後算賬」等。之後子華穿着黑西裝出現,現場觀眾不停大嗌「回水」及「除褲」等,氣氛熱爆。子華食住個勢說︰「全晚兩句最重要的金句……就係……就係……回水冇得傾,除褲太高清……最後喇!金盆𠺘口喇!有得嗌好嗌啦。」



■黎耀祥到場即與粉絲合照,老婆與囝囝在旁㩒電話。 ■黎耀祥到場即與粉絲合照,老婆與囝囝在旁㩒電話。
■劉嘉玲(右一)與鄺美雲(左一)兩大美人同場睇騷。

■劉嘉玲(右一)與鄺美雲(左一)兩大美人同場睇騷。

賴阿爺先襟撈

子華之前曾說今次棟篤笑會100%香港,甫開場,他就先講近年的黃絲、藍絲話題︰「大家都知㗎啦,今日喺香港做藝人幾咁困難,大家對顏色嘅喜好唔同箒。佢好鍾意黃色,死咗條屍唔要發黑,要發黃……黃屍……冇得撈喇!佢就唔同,佢襟撈呀,佢個人好憂鬱、好blue,有孝心,『賴』阿爺……」子華更說現在做藝人要「色盲」,才有生存機會︰「我唔知黃同藍,更唔識分黑同白。」



■吳鎮宇曾與子華合作《鬚根Show》系列。

■吳鎮宇曾與子華合作《鬚根Show》系列。
■90歲高齡的白雪仙(右二)與友人一同捧子華場。

■90歲高齡的白雪仙(右二)與友人一同捧子華場。

狗官迫害忠良

子華之後終於談到「黑警」︰「究竟邊個係希特拉,就要睇你鍾意乜顏色,喂!暗角七警,暗角打鑊,冇可能係啱喇啩!嘩!你睇吓,𠵱家完全冇人敢表態,你睇香港幾恐怖。」即獲得全場掌聲,子華續說︰「歷代嘅忠良都係俾啲狗官迫害,打人就唔啱,岳飛咪打人囉!咁咪唔啱,咪死囉。」子華慨嘆現在社會「難分真與假」,更以對聯︰「暗角七警執死雞,擅用私刑龍咁威。」來暗寸黑警暴行,更謂幸好當年自己沒有投考警察。

不過,子華亦替警察被亂罵不值︰「𠵱家喺香港做警察嘅首要條件,就要接受人哋問候伯母,我喺網上睇片,嗰個被抄牌嘅,一分鐘問候咗個警察60次……喺香港做警察,你要好脾氣過教宗。」之後他又講回歸︰「唔係英國畀番香港中國,係中國一直唔收住咋。」話中有話。



■有黃牛黨在紅館外兜售門票,被保安驅趕。

■有黃牛黨在紅館外兜售門票,被保安驅趕。

黃牛門外賣飛

子華今次原開17場,但因為撲飛熱潮,門票曾被炒高二十倍。最後華神為平定「黃牛之亂」,終極加了9場至26場,令一眾黃牛票炒燶收場。昨日紅館入場位置,有兩名操非純正廣東話的人,向觀眾兜售黃牛飛,他們沒有拿門票出來,只問觀眾要不要飛,後被紅館職員發現,勸喻兩人立即離開,但他們未有理會。另一邊的港鐵站亦有三名內地人兜售黃牛飛,但現場未見有觀眾購買。

採訪:王連連、曹家誠

攝影:沈健程




鍾意就快D Share啦!