李施嬅在《天命》的表現獲網民大讚，但網民like爆都沒用，最緊要得方丈歡心，否則李施嬅都不會心淡離巢
近年大台人才買少見少，繼陳豪、郭晉安不再做親生仔，加入大台十五年的李施嬅快將約滿，她已經私下同朋友講，決定不續約外闖。
其實她由今年2月已經開始傾續約，希望有更多工作及發展機會，但公司只講門面話。話晒今年已經37歲，李施嬅覺得真要好好計畫將來。
最令她耿耿於懷的，是從未在台慶頒獎禮得獎，飛躍進步女藝員都提名過五次，就是飛不起。
之前在《胡說八道真情假期》中，她喊住話：「胡說八道咁多個當中，得的一個未喺TVB攞過獎，我喺公司一個獎都未攞過，有時會諗係咪自己唔夠好，唔係好演員。曾經喺呢啲頒獎禮上，令我好氣餒，但係一班好姊妹一直俾正能量我。」
好在她自薦拍美國微電影《Once More》，去年憑該片成為雙料影后，總算證明了自己實力。
事實上，近年她在大台機會不多，甚至已經有兩年沒劇集出街，有粉絲更問她是否沒再拍劇。但她一直冇放棄，每逢放假都會去美國洛杉磯上演技課程，亦有跟詹瑞文上堂。
拍《天命》每日要戴住頭飾，拍攝十六小時致脫髮，面積達兩個五蚊銀那麼大。現劇集獲好評，總算為爭番啖氣！
來源 source: http://nextplus.nextmedia.com
|
鍾意就快D Share啦！
|
|
|
