掃呢頁CODE去手機

2018年8月4日 星期六

【每日壹爆●富豪捐錢俾醫院 自己亦受惠】向何伯偷師?大劉 馬化騰各捐5000萬俾養和(足本版) __,大劉,劉鑾雄,

正所謂人無近憂必有遠慮,富豪亦然。有錢佬身體有乜事幹,第一時間入養和醫院搵個星球醫生保命(一星期揾100萬)。昔日慈善家何伯-何英傑捐過5000萬俾養 ...




正所謂人無近憂必有遠慮, 富豪亦然 。有錢佬身體有乜事幹,第一時間入養和醫院搵個星球醫生保命(一星期揾100萬)。

昔日慈善家何伯 -何英傑捐過 5000萬俾養和作為擴建 新翼之用 ,條件只係要求院方 自己有病痛時, 留番間私家病房俾佢, 卒之何伯行到人生最後一步,都係係養和say goodbye咋。

近日養和推出百年樹人計劃(project 100)目標 喺培訓醫療領袖, 大劉劉鑾雄 即磅5000 萬 以阿媽劉葉淑婉名義成立獎學金, 另一善長就係馬化騰,同樣捐5000萬 ,成立馬化騰教育及培訓基金,有 兩大支水喉射住 ,養和喺阿公岩興建中嘅東區醫療中心未開幕已經有聲有色啦。但兩位善長捐款之條件有否參考何伯就不得而知。相信早兩年經常出入養和嘅大劉,深深感受到培訓醫療領袖嘅重要性, 所以慷慨解囊 ,有需要時自己都受惠到嘛。

撰文:宗菁華



鍾意就快D Share啦!