迪士尼炮製小熊維尼真人版電影《維尼與我》（Christopher Robin），以動畫將維尼、豬仔、跳跳虎、咿唷走入片中嘅現實世界，由影星伊雲麥奎格（Ewan McGregor）飾演主角Christopher Robin，電影已在本月上映，一直有人擔心該片難以打進中國大陸市場，近日傳聞終於成真，美國傳媒The Hollywood Reporter報道指，《維尼與我》已被禁止在大陸上映，其中一個最大理由被指係涉及「政治因素」！
消息指，習近平外型向來被網民拿來同小熊維尼比較，不論係形態抑或步姿都頗為相似，令到小熊維尼於大陸變得敏感，更曾一度嚴禁任何小熊維尼字眼於微博出現，以免影射習近平。不過呢篇報道指，《維尼與我》未能攻入大陸都有另一說法，指大陸對海外電影嘅上映數目一直設有限額，唔排除《維尼與我》因不及其他荷李活大片而未獲批上映。
對於今次被禁消息，唔少大陸網民都相當心水清，紛紛留言話「上映了才真奇怪」、「原因眾所周知」等，更有人話：「這個國家越來越魔幻，小熊你很大機率活到親眼被送上新共和國最高法庭那天。」其實，名嘴奧利華（John Oliver）主持嘅美國HBO節目《上周今夜騷》（Last Week Tonight）月前播出一集大談習近平，畫面就出現小熊維尼同埋習近平嘅照片及肖像公仔，之後令奧利華在中國網上「人間蒸發」，連累埋HBO網站都立即被禁。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
