【新增影片】
759阿信屋創辦人兼前主席林偉駿周六（18日）病逝，母公司CEC國際（759）隨即公佈委任執行董事鄧鳳群接任新主席兼董事總經理等職位。對於林子峰表示對759「10億以下有興趣」，現正忙於交接工作的鄧鳳群，今午接受本報電話專訪時直言：「老闆（林偉駿）視呢間公司係命根，係佢第二個仔，我哋只會諗點樣做好佢（阿信屋），其他嘢我哋唔會諗」。
對於同業優品360°老闆林子峰的言論，鄧鳳群直言：「老闆啱啱先走咗，其實咁樣講唔係好appropriate（恰當），隔籬間公司講咩我控制唔到，呢個時候唔好講呢啲嘢，係對老闆嘅尊重。」
日後阿信屋會否賣盤，鄧鳳群坦言，其一，此事由公司股東決定，其二，「從來冇聽過林老闆生前有講過賣盤，阿信屋係老闆命根，任何一個識林生嘅都知道，呢間公司係佢命根，759阿信屋係佢（林偉駿）一手造出嚟。」
競爭對手優品360°老闆林子峰今日曾對本報記者表示，759阿信屋母企CEC國際（759），殼連公司市值約6億元，如果10億元以下都會有興趣，以免被強者崛起打倒自己，但其後發聲明指有關言論不代表本人有任何具體的收購意向。
阿信屋一向以折扣做招倈，鄧鳳群說，今後阿信屋會繼續「薄利多銷」的大方向，「老闆由做廠到做零售，佢都好堅持呢個原則，林生喺唔喺度，我哋都跟返林生嘅方向做」。
公司管理層忙於交接，林偉駿家人則忙於處理林偉駿的身後事。鄧鳳群表示，有跟林偉駿的家人溝通，指其葬禮仍在計劃當中，未有進一步資料。林偉駿生前甚得行家及市民愛戴，今日公司亦收到不少來電表示慰問，鄧鳳群說，會向家屬建議設公祭，讓大眾一同悼念林老闆。
記者：邱曉欣
全球樓行 Dream House零距離
https://hk.feature.appledaily.com/overseasproperty
|
鍾意就快D Share啦！
|
|
|