掃呢頁CODE去手機

2018年8月10日 星期五

龍目島再地震 鄭嘉穎陳凱琳如期舉行婚禮 __,嘉穎,陳凱琳,凱琳,鄭嘉穎,

■黃智賢前晚話會出席老友鄭嘉穎嘅婚禮,仲暗示冇改地點,依然喺峇里舉行。
■黃智賢前晚話會出席老友鄭嘉穎嘅婚禮,仲暗示冇改地點,依然喺峇里舉行。後日係48歲鄭嘉穎同27歲陳凱琳(Grace)嘅大日子,婚禮會喺峇里島嘅Bulg ...


後日係48歲鄭嘉穎同27歲陳凱琳(Grace)嘅大日子,婚禮會喺峇里島嘅Bulgari Resort Bali舉行,可惜佢哋只係請咗雙方親友同少部份嘅圈中朋友參加。不過近日印尼遇上地震,旅遊勝地峇里島隔籬嘅龍目島噚日再發生6.2級強烈地震,有多幢建築物倒塌。但嘉穎同Grace真係勇,依然如期出發去峇里島結婚。



■鄭嘉穎同陳凱琳後日舉行婚禮。資料圖片

■鄭嘉穎同陳凱琳後日舉行婚禮。資料圖片

度完蜜月兼慶生

其實有份去婚禮嘅親友同圈中朋友,都問過嘉穎同Grace會唔會改地方,不過主人家唔驚,佢哋都惟有照去啦。因為乜都訂好晒,Bulgari好似仲會對佢哋婚禮有贊助。下星期三仲係嘉穎49歲生日,原本佢哋諗住結完婚,就喺峇里過埋生日,不過𠵱家就要睇睇地震嘅最新情況,再決定留唔留喺當地過生日同度蜜月。

鄭嘉穎嘅老友黃智賢前晚喺中環出席餐廳活動,被問到老友喺峇里嘅婚禮,黃智賢話會去。至於有傳會改地點?佢話︰「我唔答等佢哋自己回應。」至於峇里發生地震,問佢擔唔擔心危險?佢話︰「其實嗰度地方好大,應該影響唔到。」仲話準備咗賀禮,不過要保持神秘感。

撰文:馮仁昭




鍾意就快D Share啦!