（互聯網）
延伸閱讀：
【寸王趕客】曼聯激𤓓 皇馬後備拒加盟
https://bit.ly/2v8wui4
英超未開季，曼聯已經風雨飄搖，領隊莫連奴以前係吸引球星加盟、留效嘅保證，依家就係趕客嘅代名詞！寸王於季前就搞寸Party，得罪球會高層、球員、球迷，現時紅魔鬼內部軍心渙散，其中中場球星、世界盃冠軍成員保羅普巴離隊機會極大，早前話佢會轉投祖雲達斯，但近期巴塞勢做架兩，據西班牙《世界體育報》報道，地上最強技術總監艾比度於美國密會普巴，游說佢新季空降魯營，做恩尼斯達接班人。
普巴上季同寸王關係極差，季中一度被貶後備，搞到表現下滑，直接令法國球迷對佢存在懷疑，唔少Fans都希望法國領隊迪甘斯放棄呢名球星，於世界盃決賽周唔好畀佢打正選。普巴經理人於今年一月，已周圍搵富豪球會接收普巴，當中包括曼城，到今夏就傳出普巴或會回歸祖雲達斯。
但《世界體育報》爆料，原來巴塞都對普巴有興趣，球會新季缺少恩尼斯達及荷西保連奴兩名中場，極欲購入普巴以保實力。雖然莫連奴嗌晒救命，話目前球會唔齊腳難備戰新球季，希望一眾世盃腳盡早歸隊，但普巴睬佢都傻，寧願喺洛杉磯日日開Party都唔理寸王。巴塞趁呢個時間，派出技術總監艾比度到當地會見普巴，艾比度同普巴同屬法國人，大家有傾有講，據聞會談進展不俗，曼聯新球季大有機會失去普巴。
東網體育FB同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
