2018年8月2日 星期四

狄波拉:霆鋒有見兩個仔 狄波拉大讚孫仔有禮貌 __,霆鋒,狄波拉,謝霆鋒,

狄波拉講起兩個孫仔就勁開心。狄波拉(拉姑)與老公鬍鬚Kong出席好友的泰國餐廳開張,拉姑透露此餐廳是她介紹好友引入香港的:「呢間餐廳係好多年前同霆鋒去 ...


狄波拉講起兩個孫仔就勁開心。


狄波拉(拉姑)與老公鬍鬚Kong出席好友的泰國餐廳開張,拉姑透露此餐廳是她介紹好友引入香港的:「呢間餐廳係好多年前同霆鋒去旅行佢介紹我食。(依家係咪少咗同霆鋒去旅行?)佢邊有時間,去旅行都係拍嘢。(你唔拍佢鋒味節目?)我唔使啦。(謝賢有拍?)咁佢哋父子檔,阿媽就留喺屋企等佢煮畀我食,依家佢返香港都係佢落廚,我等食,煮啲新奇嘅嘢我食。」

Lucas今日生日

拉姑被問到孫子Lucas今日(2號)生日,有否同佢慶祝?她說:「有,會見㗎啦佢,爹哋會同佢慶祝。(霆鋒在港?)佢做緊嘢,咁唔一定要正日先慶祝。(送咩禮物?)唔講,希望佢快高長大我哋已好開心。」

拉姑大讚兩個孫子十分有禮貌:「好乖,有禮貌到不得了,同佢哋同枱食飯好有規矩,我同霆鋒都覺得真係有教,我哋古老人最重要有家教。(仲有啲咩冧招?)唔使啦,有家教已經好好。」


來源 source: http://hk.on.cc
鍾意就快D Share啦!