大S(徐熙媛)最近就同老公汪小菲拍攝大陸嘅真人騷節目《幸福三重奏》，之前有網民評擊大S喺節目入面愛哭又做作，搞到老公汪小菲，就喺微博發文護妻，話老婆只係做回自己也要被罵，佢反問：「到底是誰不正常！」(新聞連結：https://bit.ly/2v7e01i)最新播出嘅一集，大S就炮製咗獨門咖喱飯俾老公同細妹小S(徐熙娣)食，老公汪小菲真係好大膽，竟然對大S嘅嘅食量有意見，最後就當然要受罰，大S即除拖鞋掟向汪小菲，慘食「拖鞋飯」！
節目入面，見到大S對自己獨門研製嘅咖喱飯頗有信心，辛勞煮飯，當然希望得到老公嘅讚美啦，佢就問汪小菲：「跟愛獎煮的有什麼不同？」汪小菲支支吾吾，就係講唔出標準答案，當時大S都已經有啲嬲豬，但都忍住，只係狠狠咁睥住老公，咁小S見到都已經暗自竊笑，跟住就好識做咁讚吓家姐，仲送上浮誇式嘅拍手，咁先將大S安撫下來。
之後大陸演員陳建斌、蔣勤勤到訪，大S就招待佢哋一齊食飯，咁佢自己都再盛了一碗飯，仲同陳建斌佢哋講：「老公給我盛飯太少，他怕我胖。」當時汪小菲就顯得有啲尷尬，但就冇講啲乜嘢。但係當客人走咗之後，大S已經顯得有啲唔開心，但汪小菲竟然仲要補多一句：「老婆妳吃那麼多不漲嗎？」大S終於按捺不住，即時好嬲發脾氣，直接將拖鞋變成武器，直掟過去老公度，跟住再講：「我給你盛最大碗，你幫我盛就那麼一咪咪！」姊妹同心嘅小S當然幫住家姐話：「對，他給妳盛很少。」而汪小菲只好坐喺梳化，但佢嗰一刻先知道自己講錯嘢，真係已經太遲喇！
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|
