掃呢頁CODE去手機

2018年8月21日 星期二

《中國好聲音》重遇廿年fans 謝霆鋒帶隊食大排檔 __,中國好聲音,謝霆鋒,霆鋒,

《中國好聲音》重遇廿年fans謝霆鋒帶隊食大排檔內地選秀節目《中國好聲音》日前(17日)播出第五期,今集亦都係盲選階段嘅最後一集。今集導師謝霆鋒為咗自 ...


  • 《中國好聲音》重遇廿年fans 謝霆鋒帶隊食大排檔


  • 內地選秀節目《中國好聲音》日前(17日)播出第五期,今集亦都係盲選階段嘅最後一集。今集導師謝霆鋒為咗自己心儀嘅「好聲音」三次㩒掣轉身揀人,對自己team作出最後嘅調整。

    當晚盲選階段最後一位選手劉郡格上台,原來呢位選手鍾意咗霆鋒二十年,做咗佢二十年嘅fans!其實一開始《好聲音》海選嘅大貨車去到北京時,劉郡格就即刻參加比賽。憑住佢獨特嘅聲線,得到霆鋒親自發出嘅pass,可以企喺盲選舞台。今次當霆鋒聽到劉郡格嘅歌聲後,再一次選擇㩒掣轉身,證明咗佢之前自己所講嘅說話:「我的耳朵聽過一個我喜歡的聲音,我一定會認得出的。」而當霆鋒知道劉郡格係自己嘅die hard fans時,亦都好sweet咁話:「謝謝你的二十年。」繼而將佢收歸旗下。

    有收穫亦有遺憾,嚟自青海蒙古族選手道爾吉亦都係最尾嘅幾位選手之一,佢粗獷嘅聲線同蒙古族獨特嘅嗌咪技巧好吸引霆鋒,霆鋒猶豫咗好耐轉唔轉身,最後都佢都冇㩒掣,佢話:「因為我隊裡有一個跟這個嗓子很接近的王朝在,所以我會很矛盾。」 從整team嘅去角度考慮,霆鋒最後只能割愛。

    盲選結束,安琪、徐暐翔、王朝、李佳丹、鄧紫霄同劉郡格成為霆鋒隊一員。節目錄影完後,霆鋒就帶咗佢哋去食大排檔,邊食邊同大家分享自己嘅經驗,同時可以同隊員增進感情。不過最搞笑嘅係,呢集節目播出咗之後冇幾耐,霆鋒當晚幫襯嗰間大排檔附近嘅一間小店主出post:「《中國好聲音》謝霆鋒導師差點品嚐產品。」冇幾耐霆鋒就喺自己嘅社交網站轉發咗呢張,仲寫埋captio:「只差一點點即可以。」夠晒玩嘢。

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app

    鍾意就快D Share啦!