掃呢頁CODE去手機

2018年8月21日 星期二

向劉華致敬 陳家樂漏夜買底褲拍MV __,陳家樂,劉德華,劉華,

向劉華致敬陳家樂漏夜買底褲拍MV密密接戲嘅陳家樂,早前終於有機會同多年嘅偶像劉德華合作,拍攝電影《掃毒2》。自言見到偶像會令佢腎上腺素上升、拍戲仲會特 ...


  • 向劉華致敬 陳家樂漏夜買底褲拍MV


  • 密密接戲嘅陳家樂,早前終於有機會同多年嘅偶像劉德華合作,拍攝電影《掃毒2》。自言見到偶像會令佢腎上腺素上升、拍戲仲會特登企喺偶像背後嘅家樂,為咗向偶像致敬,日前佢就將華仔嘅《暗裏着迷》MV經典還原。

    揀呢首歌翻唱翻拍,家樂話因為係佢嘅最愛,「因為之前拍過啲片,有fans想我唱歌,早排我同劉德華拍戲,都有同佢傾偈,佢咁多首歌我最鍾意係呢首,同埋係最經典。偶像演技好勁,因為原裝MV係一take過拍攝,所以我都想試吓。」

    為咗呢個mv,家樂事前嘅準備功夫真係一絲不苟,除咗入錄音室重新錄製歌曲,髮型方面,試髮型都試咗好多次,「MV入面其中一個亮點係撥頭髮,我會喺屋企對住塊鏡練習撥頭髮。」至於化妝方面,由於華仔輪廓比較深,所以化妝時家樂會特別加深鼻骨同顴骨陰影,「放飯時間,妝都冇落,就咁除咗個假髮就去食飯,食食吓,隔離枱誤認咗我係劉德華,勁開心,哈哈。」除此之外,家樂話最難忘係MV尾段淋花灑部份,「我哋係拍咗呢part先,因為預咗唔會一take過ok,所以團隊都準備咗幾套衫俾我替換,但我自己唔記得預備底褲,所以拍完淋花灑後,同事就要漏夜跑去便利店幫我買底褲,然後先可以落街拍,真係辛苦晒。」

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app

    鍾意就快D Share啦!