咁又難怪吳若希嬲嘅，要送都要一樣數量嘛。
歌手吳若希（Jinny）上電台宣傳新歌《為何你要背叛我》時再大爆老公何兆鴻料，講到如果於感情上被人背叛好撕心裂肺，雖然老公未至於背叛自己，但同心痛的感覺都有關連：「原來佢追求我嘅時候，喺情人節送咗紮花畀女仔，同時都有送畀我，但佢嗰紮99朵，而我嗰紮就得18朵，之後我問佢點解，男人最叻就係避而不答」Jinny坦言當時好嬲，但到現時好多事再提起都得啖笑，笑話於往後的情人節都會收到101朵：「佢同我講『放心以後一定會多過99朵㗎』，呢件事喺我哋兩公婆之間，雖然好尷尬，但依家會覺得好搞笑。」
講到最近開始幫囡囡Giselle搵幼稚園報讀學前班：「依家開始係報名季，但暫時都未收到回覆，要等遲啲Interview，都想佢未來條路易行啲。（有朋友介紹？）冇呀，但就有搵顧問去搞升學嘅嘢，睇吓喺香港搵唔搵到間舒服嘅學校，搵唔到先考慮澳門啲國際幼稚園。」唔會考慮香港國際幼稚園？Jinny坦白笑話：「太貴我冇錢買債券。（如果真係澳門返學咪會分隔兩地？）會掛住個女囉，但唔緊要啦，都習慣咗，希望係香港入到心儀學校。
來源 source: http://hk.on.cc
|
鍾意就快D Share啦！
|
|
|
