掃呢頁CODE去手機

2018年9月21日 星期五

【44年夫妻共患難】69歲李琳琳戰勝大腸癌 姜大衛:大家都係冇咗對方唔得!(足本版) __,姜大衛,方詠琳,李琳琳,琳琳,癌,

70歲嘅姜大衛,契媽係已故打星傅聲嘅媽媽,呢日,佢十指緊扣住契媽行商場,邊行邊講嘢,好sweet!唔好以為佢賣甩咗老婆李琳琳呀!實情係李琳琳一早已經坐 ...




70歲嘅姜大衛,契媽係已故打星傅聲嘅媽媽,呢日,佢十指緊扣住契媽行商場,邊行邊講嘢,好sweet!唔好以為佢賣甩咗老婆李琳琳呀!實情係李琳琳一早已經坐低搵定位,陪契媽齊齊嘆越南菜。見到老公拖住契媽入餐廳,李琳琳已經開心到say晒hi咁,又好大聲咁叫契媽,氹到老人家好happy!

食完嘢,走嘅時候到李琳琳拖住契媽行,睇得出佢兩公婆都好有孝心。

講番李琳琳,佢11年生大腸癌,體重暴跌,多次被影到進出醫院,但姜氏一家表示佢只係大腸生瘜肉。直到舊年,佢接受《溫暖人間》訪問時先承認11年患大腸癌,佢話當時喺半年內接受咗12次化療,癌細胞擴散到淋巴,每日洗頭都甩一大撮頭髮。抗癌兩年幾,姜大衛停工陪伴,兩公婆

互相支持,最後,李琳琳戰勝癌病。姜大衛話後生時兩公婆嗌交,都係因為睇法唔同,總係想改變對方,但慢慢就知道係無得迫嘅。同李琳琳結婚44年,二人經歷過生死邊緣,姜大衛做訪問時曾經講過:「40幾年嘅感情,其實唔需要講出聲都知道,大家都係冇咗對方唔得嘅。」

攝錄:吳斯金、蕭敬漁、王志輝

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!