婦產科余啟文醫生話屋企生B喺外國好普通，其實香港都得，搵助產士幫手就可以！
鍾嘉欣於加拿大溫哥華家中自然分娩，順利誕下第二胎囝囝。婦產科醫生余啟文表示在外國十分普遍：「香港其實都可以，不過少啲人咁做，如果喺香港生，一般嚟講係請個助產士去你屋企幫手接生，因為助產士會幫你個小朋友登記出世紙，唔可以你自己喺屋企生完就去登記，因為冇人證明BB係咪喺香港出世。（外國同香港收費？）咁呢個唔太清楚。」
余醫生表示助產士會帶同器材如胎心機等到孕婦家中接生，一旦中途發生突發事情，便會立即將孕婦送院，由醫生接手處理：「通常助產士會有條Team，會有醫生做backup，有咩危險個助產士會帶個孕婦去醫院。通常生完個BB冇事健康，咁就唔使去醫院，但如果有咩要檢查，當然要去醫院」余醫生表示在家分娩，只適合低風險的孕婦：「高血壓、佗雙胞胎又或者之前刀生過等，都叫高風險，咁就唔太適合喇！」
來源 source: http://hk.on.cc
|
鍾意就快D Share啦！
|
|
|
