陳百強一出道就成為萬人迷，佢獨有嘅公子氣質殺死唔少人。
唔講大家未必知，讀傳統名校聖保羅嘅佢，同林敏聰係同班同學。
未入行前，陳百強已經同鍾鎮濤上咗契。唔信？聽校長講
我識Danny好早期，係我哋溫拿喺灣仔酒吧演出，有段時間佢經常落嚟，因為佢同阿B係真係直接上契嘅關係，所以嗰時成日都見到佢嘅。有時佢仲會上台彈吓琴，嗰時已經覺得佢非常有才華，又靚仔又斯文，佢自己個風格已經好另類，當時佢都未入娛樂圈。
入行多年嘅陳百強，形象健康無緋聞，唯一同佢扯上過關係嘅，只有翁靜晶。
翁靜晶16歲入行，好快就擔正做女主角，主演無綫劇《豆芽夢》。
之後拍電影，第一部戲就係同陳百強拍嘅《喝采》。
當時，陳百強好鍾意日本女星山口百惠，成日都話翁靜晶似佢。
佢兩個外型好襯，當時，人人都以為佢哋拍拖，仲有傳翁靜晶係陳百強嘅一生最愛。
陳百強喺圈中有唔少buddy，好似張國榮、鍾保羅、周潤發。
另外，佢仲好有女人緣，好似鍾楚虹、梅艷芳、林姍姍、葉倩文都係佢嘅知己良朋。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
