賭王三房索千金何超蓮喺銅鑼灣開咗麵舖，成日都有粉絲去捧場，原來近日仲有「愛慕者」搵上門，去到佢住嘅布力徑大宅等佢。
近日有個網上警察群組爆料，講到超蓮屋企噚日有一個「公安」被捕。群組對話內容指那位「公安」好冧超蓮，想追佢，最後由保安報警。
《蘋果》就搵過超蓮，佢承認有此事，但不清楚對方身份，只知該名男子在其寓所外守候已有一段時間：「佢喺度好耐，我係最唔了解嗰個，我經常匿埋咗。」
至於點解噚日先決定報警？是否有突發事件？超蓮表示：「佢喺度好多日啦，成日都等我，我哋啲保安都好熟佢，唔會畀佢入嚟我屋企。嗰日我阿媽出車，佢入咗嚟，佢哋覺得要報警，所以就報咗警。其實佢喺度好多次，都費時拉佢，但係佢行埋入嚟先報警。」
超蓮就提到該名男子曾送禮品上門，佢話：「收好多嘢，信啦、花啦，又有公仔。助手叫佢Piano，好似送過部琴仔，收佢好多禮物，又熊仔，你哋寫過，有一次送咩奇怪嘅花，就係佢。」經此一役，寓所外會否加強保安？超蓮就話：「唔使，我諗佢冇惡意，so far佢都係喺門口，我又唔覺得有特別嘅危險性。」
問到當時報警詳情，超蓮就話自己唔在場。記者向其助手Sandy了解，Sandy就話：「該名男士40幾歲，佢企咗喺閘口半日，自言自語，指天篤地，保安見到佢行為有異，就打電話報警。」問到警察群組爆料稱對方為「公安」，Sandy表示：「我哋只係報警，唔知對方身份，唔知佢同警方講啲乜嘢。」
精選娛聞，喺晒《娛果》：
http://fb.com/appledailyent
| 超蓮所住嘅布力徑獨立屋，近日有一名約40多歲男子「搵上門」，搞到保安要報警。 | | |
| | |
|
鍾意就快D Share啦！
|
|
|
