掃呢頁CODE去手機

2018年9月6日 星期四

【好多頭髮】家中順產生仔 鍾嘉欣囝囝似足爸爸 __,嘉欣,鍾嘉欣,

(新增回應)上月24日,有讀者報料指鍾嘉欣已經生咗第二胎,仲攬住BB影咗全家福。相中環境就似已經返到屋企休息,相中素顏嘅嘉欣戴住黑框眼鏡,抱住啱啱出世 ...


(新增回應)



上月24日,有讀者報料指鍾嘉欣已經生咗第二胎,仲攬住BB影咗全家福。相中環境就似已經返到屋企休息,相中素顏嘅嘉欣戴住黑框眼鏡,抱住啱啱出世嘅BB,而旁邊就係老公Jeremy同埋囡囡Kelly,一臉幸福。向鍾嘉欣一眾「索爆人妻團」嘅姊妹求證,大家都「拉鏈嘴」不肯洩露半點風聲,話要留番俾佢自己講。(新聞連結: https://bit.ly/2NdCuNm )



今午十二點左右,鍾嘉欣終於喺社交網貼圖,宣佈鍾囝囝出咗世喇,重7磅14安士,改咗名叫Jared Anthony Leung,頭髮好多,同老公餅印一樣。鍾嘉欣寫道:「To our Son, Jared Anthony Leung. Welcome to our family. We love you. lovelovelove -JKL→→→JJKL- #leovirgodog #7pounds14ounces #JJKL #kellymommy #jaredmommy #naturalhomebirth」



之後嘉欣再透過短訊錄音,再介紹囝囝多一次俾大家認識,佢話囝囝Jared同家姐Kelly真係好似樣,嘉欣話﹕「囝囝好健康,好多頭髮,佢出世時好似家姐Kelly,我哋全家都講笑話我好似生咗龍鳳胎,因為Jared同Kelly真係好似樣。今次生BB過程都好順利,都係順產,雖然真係好痛、好痛、好痛,但最特別今次選擇咗屋企生。」



嘉欣話加拿大好支持自然分娩,佢話好感恩搵到一班好好嘅助產士,俾多好多尊業嘅意見同情緒支援,佢話﹕「佢哋教導我用一啲方法,令生BB過程更順利更安全,同更加去相信聽自己嘅body去生BB,絕對係一個好難忘經歷,同我個仔一齊,同我family一齊。」



嘉欣透露現階段要坐月,照顧囝囝之餘,仲要放更多時間照顧Kelly,佢話﹕「始終多咗個BB,要放多啲時間喺家姐身上,現時我就係忙呢樣嘢,希望好快可以介紹到畀阿仔大家識,希望大家take care,仲有多謝大家祝福,我都唔講咁多住,要瞓覺喇。」





鍾嘉欣ig圖片 鍾嘉欣ig圖片
Jared Anthony Leung(鍾嘉欣ig圖片)

Jared Anthony Leung(鍾嘉欣ig圖片)
鍾嘉欣ig圖片

鍾嘉欣ig圖片

鍾意就快D Share啦!