林曉峰同康子妮個大仔阿Bob 愈大愈靚仔，同阿媽拍埋，真係似情侶多過母子。其實喺芸芸星二代入面，仲有好多高質筍盤，真係十隻手指都數晒！
要數星二代筍盤，譚曉風認咗第二，應該冇人敢認第一掛？22歲嘅譚曉風遺傳咗阿倫嘅DNA，高大又靚仔，咁都未夠喎！當年仲以拔尖身份考入英國牛津大學，上年已經碩士畢業喇。除咗讀書叻，運動、音樂樣樣都掂！加埋老豆有億億聲嘅身家做back up ，仲唔係鑽石級筍盤？
高大靚仔嘅又點少得馬德鐘嘅20 歲囝囝馬在驤，盡得老豆同名模阿媽真傳，被封新一代男神！ 除咗外表煞食，馬在驤仲係學校嘅風頭 ，攞過多屆校際游泳賽金牌，而家已經喺澳洲升讀大學，前途無限。
至於超級美魔女吳婉芳個二仔胡智同一樣唔惹少！有個富商老豆胡家驊，已經係「贏在起跑線」。胡智同喺英國牛津大學畢業，仲喺當地參加過健美先生，成功奪冠，絕對係高富帥代表！
講到孝順仔，視帝黎耀祥個廿歲仔嘅黎正橋，就夠晒乖。前排《壹仔》先見到佢陪住媽咪Julia 同阿仔行超市。俾完錢仲自動自覺，一手抽起兩袋戰利品，再做埋柴可夫車阿媽返屋企。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
