田蕊妮話首歌係以女兒身份講媽媽。
藝人田蕊妮（阿田）到電台宣傳新歌《兩口子》，計劃於年底推出Hi-Fi碟的她透露正趕錄製另一首新歌，不過坦言要衝破心理關口：「錄咗好耐都未錄好，錄嗰時投入得滯，因為係以女兒身份講媽媽，雖然自己未做媽媽，但喺媽媽最後嗰幾年都貼身照顧，關係好親密，令我明白到做媽媽有幾大愛、偉大、無私。今次都係林若寧填詞，一收到份詞睇頭三句就即刻爆喊，制止唔到情緒。」問到預計幾時錄製好？她笑話始終有一日會得，希望下次可以一Take過錄好：「其實首歌氣氛唔慘，係開心歌嚟，但上次入去錄喊到聲都爛！」
籌備節目自誇有才華
阿田又指另一原因令自己遲遲未錄製好新歌，是因為忙於籌備新綜藝節目，暫名為《女人40》：「會有10集，係講女性面對嘅問題，以半真人騷形式。（有拍檔？）自己主持，但會有嘉賓，自己會邀請，公司亦都會提供，又會有素人參加，一路都落手落腳度緊，希望可以度好啲。」續笑話覺得自己好有才華。
生日唔過二人世界
講到月尾41歲生日，阿田開心指會同老公杜汶澤以及一班朋友出埠慶祝：「會去泰國4日3夜。（點解唔淨係兩公婆去？）阿澤都係咁講，但既然去就成班去會開心啲，同啲朋友都講咗幾年一齊去，今次就睇吓約唔約到，點知大家都好踴躍。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
