太好喇！
「無綫男神」余德丞（Dickson）早前踢波暈倒，幸經過一番搶救與治療，最終平安無事。Dickson今日喺ig公布，佢出院喇，計番佢差唔多住院一個月！佢仲發咗長文多謝身邊嘅人，佢仲話：「生命無 take 2 ，今次咁好彩有多一次機會，我一定會好好珍惜。」之前佢話過出院想飲珍珠奶茶，唔知飲咗未呢？而9月2日生日嘅佢，仲同自己講生日快樂添！
全文如下：
我出院啦
感謝瑪麗醫院既（踲）醫生同護士們，見住你地（哋）早更完又夜更，又一大早巡房，又每日24小時留意住我既（嘅）病情，真係辛苦你地（哋）！
感謝我既（嘅）屋企人，每日擔心我病情既（嘅）變化，又驚我唔知有咩需要，仲要每日頻頻撲撲幫我準備三餐。
感謝我公司，我經理人同一班好同事，成日擔心我會鑽牛角尖亂咁唸，一得閒就開解我。
感謝我既（嘅）朋友，知我一個人悶，一有空檔就嚟陪我傾計（偈），仲要買埋生果糖水俾（畀）我食。
感謝每一位關心我既（嘅）你地（哋）同支持我既（嘅）fans，係（喺）唔同既（嘅）社交平台都見到有好多問候我既（嘅）訊息。雖然我未能夠一一回覆，不過我絕對感受到你地既（嘅）心意。
不過坦白講，原來連續咁多日面對住一樣既（嘅）三面牆，加埋打唔開既（嘅）窗，感覺真係好難受！所以我都希望今次之後，我既（嘅）身體會生生性性，爭一口氣，唔好再令大家擔心。
醫生話短期之內唔可以做運動住，相信都會係我最唔習慣既。生命無 take 2 ，今次咁好彩有多一次機會，我一定會好好珍惜。俾（畀）啲時間，等我休養多一陣，好快我就會重新出發💪🏼 #我只想身體健康 #回家最好不過 #第二生命#comebackstronger #happybirthdaytome #hk #hkig #instadaily #yuts
來源 source: http://hk.on.cc
|
鍾意就快D Share啦！
|
|
|